Ruth 4:11 - MUMA MALER 2015

¹¹ Eka jodongo, kaachiel gi ji duto mane nie dhorangach, nowacho niya, “Wan joneno. Ruoth Nyasaye mondo oguedh dhako ma donjo e odino, obed machal gi Rahel kod Lea, mon ariyo ma nogero dhood Israel. Bende in mondo iyud duong’ e Efratha, kendo ibed gi pak mathoth e Bethlehem.

Motingʼo Loko Manyien

¹¹ Eka jodongo kaachiel gi ji duto mane ni e rangach nowacho niya, “Wan joneno. Mad Jehova Nyasaye mi dhako mabiro e dalani ochal gi Rael gi Lea, ma nochungo dhood Israel, kargi ji ariyo. Mad ibed ngʼat maduongʼ ei Efratha kendo ibed ngʼat marahuma ei Bethlehem.

Ruth 4:11 Iomraidhean Croise

Chakruok 23:10

Noyudo ka Efron owuon obet piny gi jo-Hiti wetenego. Nodwoko Ibrahim e nyim ji duto mane ni kode e dhorangach niya,

Chakruok 24:60

Ne giguedho Rebeka ka giwachone niya, “Nyathiwa, bed min ji gana gi gana, kendo nyikwayi mondo olo wasikgi.”

Chakruok 29:16

To Laban ne nigi nyiri ariyo. Nyako maduong’ ne nyinge Lea, to matin ne Rahel.

Chakruok 29:25

Kinyne gokinyi, Jakobo nofwenyo ni kara Laban nomiye mana Lea, omiyo nopenjo Laban niya, “Ang’o momiyo isetimona kama? Natiyoni mondo imiya Rahel. Koro ang’o momiyo isewuonda?”

Chakruok 29:32

Lea nomako ich, monywolo nyathi ma wuowi. Nowacho niya, “Ruoth Nyasaye oseneno chandruokna, kendo koro chwora biro hera.” Omiyo nochako wuodeno ni Reuben, (tiende ni Nyasaye oseneno chandruokna.)

Chakruok 35:23

Yawuot Lea ne gin Reuben, wuod Jakobo makayo, eka Simeon gi Lawi gi Juda gi Isakar kod Zebulun.

Chakruok 35:24

Yawuot Rahel to ne gin Josef gi Benjamin.

1 Ruodhi 21:8

Omiyo Jezebel nondiko barupe gi nying Ahab, modinogi gi alama mar ruoth; mi noorogi ni jodongo kod joma ogen modak e dala achiel gi Naboth.

1 Weche mag Ndalo 2:51

gi Salma wuon Bethlehem, kod Haref wuon Beth-gader.

Zaburi 132:6

Ne wawinjo ni Sandug Muma ni Efrata, mi ne wayude e paw Jaar.

Ngeche 14:1

Mon mariek ema utegi obidhore, to mon mofuwo ketho utgi aketha.

Ngeche 31:23

Chwore en jabura mong’ere, kendo en achiel kuom jodong piny.

Jeremia 32:10

Ne aketo sei e barup winjruok manyiso ni aseng’iewo puodhono, mi adino baruano e nyim joneno, kendo ne apimo fedha e ratil.

Mika 5:2

Bethlehem Efratha, in e dala matinie moloyo miech Juda duto. To kuomi ema jatend Israel biro wuokie, ma anywolane nitie nyaka nene.

Mathayo 2:6

‘In Bethlehem manie piny Judea, ok itin ngang’ e wang’ jotend Juda. Kuomi ema jatelo ma norit joga Israel nowuogie.’ ”

Rapar mar Chik 25:7

To ka owadgi ng’at mothono ok dwar tero chi owadgino, to dhakono nyaka dhi ir jodongo e dhoranga dala kar bura, mondo onyisgi niya, ‘Yuora otamore chungo wi owadgi e Israel, kendo odagi timona gima owinjore yuor ng’ato tim ni chi owadgi.’

Rapar mar Chik 25:9

to chi owadgino nyaka dhi ire e nyim jodongo mi lony wuore e tiende, kendo ng’udh wang’e olawo. Bang’ mano dhakono nyaka wach niya, ‘Ma e kaka watimo ni ng’at modagi chungo wi owadgi.’

Ruth 1:2

Nying ng’atno ne Elimelek, kendo nying chiege ne Naomi, to nying yawuote ne Malon kod Kilion. Ne gin jo-Efratha man Bethlehem-Juda. Ne gichopo e piny Moab mi gidak kuno.