Ruth 4:1 - MUMA MALER 2015

¹ Boaz nodhi e dhoranga Bethlehem, mobet piny. Bang’e noneno jadhoodgi mane osewuoyo kuome cha ka kadho kanyo, mowachone niya, “Akoni, bar ibi ku, ibed piny ka.” Kane osebiro, mobet piny,

Motingʼo Loko Manyien

¹ E thuolono Boaz nodhi e dhoranga dala mobet kanyo. Ka wat Ruth mahie mane owachocha ne kadho kanyo, Boaz noluonge kawacho niya, “Rawane ka, osiepna, kendo bed piny ka.” Omiyo ngʼatno nodhi ire mobet piny.

Ruth 4:1 Iomraidhean Croise

Chakruok 19:1

Malaika ariyogo nochopo Sodom kar ang’ich welo, moyudo ka Lut obet e dhoranga dalano. Kane onenogi, nodhi mondo oromnigi, mi nogoyo chonge piny e nyimgi, mokulore nyaka e lowo.

Chakruok 23:10

Noyudo ka Efron owuon obet piny gi jo-Hiti wetenego. Nodwoko Ibrahim e nyim ji duto mane ni kode e dhorangach niya,

Chakruok 34:20

Kamano Hamor gi Shekem nodok kar bura e dhoranga dalagi, mi ne giwuoyo gi jo thurgi,

2 Samuel 15:2

Nothoro chiew gokinyi mang’ich, kendo chung’ e dir yo mochomo dhoranga Jerusalem. Ka noneno ng’at man gi wach moro ka dhi ir ruoth mondo ong’ad buche, to noluongo ng’atno kendo openje kuma oaye. Kane ng’atno onyise dhood Israel moaye,

2 Weche mag Ndalo 18:9

Koro noyudo ka ruodh Israel gi Jehoshafat ruodh Juda obet e alap manie dhoranga Samaria, ka ng’ato ka ng’ato obet e kom duong’ne, korwako lawe mar ruoth, kendo jonabi duto ne koro wach e nyimgi.

Ayub 29:7

Kane adhi mondo abed e buch jodong dala,

Ayub 31:21

Kapo ni asewuondo nyathi kich moro, nikech ang’eyo ni daloye e bura,

Zaburi 69:12

Gikuodha e dala, kamoro amora ma giwuothoe kendo jomer chuogona wer ma gijarago.

Ngeche 31:23

Chwore en jabura mong’ere, kendo en achiel kuom jodong piny.

Isaya 55:1

Winjuru! Un duto, ma riyo oloyo! Biuru mondo umodhi. Un joma onge gi chiemo, biuru ung’iew chiemo ucham. Ee, biuru ukaw akawa divai gi chak nono, ma ok uchulo gimoro.

Jeremia 32:10

Ne aketo sei e barup winjruok manyiso ni aseng’iewo puodhono, mi adino baruano e nyim joneno, kendo ne apimo fedha e ratil.

Amos 5:15

Beduru mamon gi gik maricho, to heruru gik mabeyo, kendo gururu bura makare e ut bura, nikech dipo ka Ruoth Nyasaye Manyalo Gik Moko Duto otimo ng’wono ni joka Josef modong’.

Zekaria 2:6

Ruoth Nyasaye wacho niya, “Ne akeyou e tunge ang’wen mag piny, to koro auru, uring ua e piny ma yo nyandwat.

Rapar mar Chik 16:18

“Unuyier jang’ad bura kod jotend dhoutu e mier duto ma Ruoth Nyasaye ma Nyasachu biro miyou, kendo nyaka ging’ad ni ji bura kare.

Rapar mar Chik 17:5

to nyaka ukel ng’at motimo kamano e dhoranga dala, mi ugoye gi kite nyaka otho, kata da bed ni en dhako kata en dichwo.

Rapar mar Chik 21:19

to nyaka gimake, mi gitere e nyim jodongo e dhoranga dala.

Rapar mar Chik 25:7

To ka owadgi ng’at mothono ok dwar tero chi owadgino, to dhakono nyaka dhi ir jodongo e dhoranga dala kar bura, mondo onyisgi niya, ‘Yuora otamore chungo wi owadgi e Israel, kendo odagi timona gima owinjore yuor ng’ato tim ni chi owadgi.’

Joshua 20:4

Ka ng’ato dwaro tony kamano, moringo nyaka e achiel kuom miego, to nochung’ e dhorangach, kendo nonyis jodong dalano gima osetimorene. Eka giniyiene odonji, kendo ginimiye kar dak.

Ruth 3:12

Adier an jadhoodu mahie, to nitie wadu moro mahie moloya.

Ruth 3:18

Naomi nowachone niya, “Bed mos nyara nyaka ing’e gima biro wuok e wachni, nikech ng’atno ok bi ling’ mak oloso wachni kawuono.”