Ruth 3:13 - MUMA MALER 2015

¹³ Bed ka gotienoni, to kiny gokinyi, ka jalo nyalo timoni gima jadhoodu mahie onego tim, to ber, mondo otim kamano. To ka ok oyie timo kamano, to akuong’ora gi nying Ruoth Nyasaye, ni abiro timoni kamano. Koro nindi nyaka okinyi.”

Motingʼo Loko Manyien

¹³ Bed ka otienoni kende, to kiny gokinyi, kapo ni odwaro timoni gima owinjore otimni kaka watne mahie, to ber. To ka ok ohero mar timo kamano, to akwongʼora gi nying Jehova Nyasaye mangima, abiro timoni kamano. Nind aninda ka nyaka okinyi.”

Ruth 3:13 Iomraidhean Croise

Jeremia 12:16

Chon ogendinigo ne kuong’ore gi nying Baal, kendo ne gipuonjo joga mondo otim kamano. To ka koro ginyalo yie luwo dini mar joga gi chunygi duto, mi gikuong’re gi nyinga, to gin bende ginibed joga.

Jeremia 4:2

Ka ukuong’oru gi nying Ruoth Nyasaye gi adiera gi bura makare kendo gi tim malong’o, to ogendini biro kwaya mondo gin bende aguedhgi kaka aseguedhou, kendo gibiro miya duong’.

2 Jo-Korintho 1:23

To aluongo Nyasaye obed janenona ka aramo ni ne akechou emomiyo ne ok achako aduogo Korintho.

Jo-Hibrania 6:16

Pile ji kuong’ore gi nying ng’ama duong’ moloyogi gi duong’, kendo kuong’ruok ema itiekogo weche duto manie kind ji, mondo kiawa moro obed maonge.

Jong’ad Bura 8:19

Gideon nowachonigi niya, “Ne gin owetena ma yawuot mama. Akuong’ora e nying Nyasaye ni dine uwe negogi, to da ok anegou.”

Ruth 2:20

Naomi nowachone niya, “Ruoth Nyasaye, osetimonwa ng’wono kod jowa motho, mondo oguedh jalo.” Eka nomedo wacho niya, “Jalo en watwa mahie.”

Ruth 3:12

Adier an jadhoodu mahie, to nitie wadu moro mahie moloya.

Ruth 4:5

Eka Boaz nowachone niya, “Chieng’ ming’iewoe puodhono kuom Naomi, to nyaka ikaw Ruth nyar Moab bende, ma chi jal ma notho mondo ichung wi ng’at mothono kuom mwandune.”

Ruth 4:6

Jadhoodgino nodwoke niya, “Ka kamano, to ok anyal ware, nimar dipo kaketho mwanduna awuon. Ber mondo ikaw kara, iwar gino ma owinjore awar, nikech an ok anyal ware.”