Ruth 2:2 - MUMA MALER 2015

² Chieng’ moro Ruth nyar Moab nowacho ni Naomi niya, “Yiena adhi mondo ahul cham bang’ ng’ato ang’ata moyie kecha.” Nodwoke niya, “Dhiyo, nyara.”

Motingʼo Loko Manyien

² Kendo Ruth nyar Moab nowachone Naomi niya, “Yiena mondo adhi e puothe mondo ahul cham ma jokeyo oweyo, e puoth ngʼato angʼata manyalo timona ngʼwono.” Naomi nowachone niya, “Dhi adhiya, nyara.”

Ruth 2:2 Iomraidhean Croise

Chakruok 32:6

Joote nodwogo ir Jakobo, mowachone niya, “Ne waromo gi owadu Esau ka biro romoni gi ji mia ang’wen.”

Tim jo-Lawi 19:10

Bende kik upon olembeu mag mzabibu mutiek pep, kata kik ukwany mago molwar piny. Nyaka uwegi ni joma odhier kod jodak. An e Ruoth Nyasaye ma Nyasachu.

Tim jo-Lawi 19:16

Kik iwuoth koni gi koni kiketho nying jou, kata kik ihangne wadu wach kodonjne e buch nek. An e Ruoth Nyasaye.

Tim jo-Lawi 19:9

“Ka ukayo cham e puotheu, to kik uke nyaka giko puotheu, kata kik uhul abang’ tiang’.

Tim jo-Lawi 23:22

“Ka ukayo cham e puotheu, to kik uke nyaka giko puotheu, kata kik uhul abang’ tiang’. Nyaka uwegi ni joma odhier kod jodak. An e Ruoth Nyasaye ma Nyasachu.”

Ruth 2:3

Omiyo nowuok modhi hulo cham e puodho bang’ jokeyo, kendo nopo kochopo e puoth Boaz, jadhoodgi Elimelek.

Ruth 2:7

Nokwaya ni mondo ayiene ohul cham bang’ jokeyo e kind pidhe mosetue. Osebedo kotiyo ka chakre okinyi nyaka sani, ma ok oyue kata matin.”

1 Samuel 1:18

Hana nowachone niya, “Mad abed ng’ama owinjore gi ng’wononi.” Eka nodhi mochiemo, ka chunye ler.