Ruth 1:16 - MUMA MALER 2015

¹⁶ To Ruth nodwoke niya, “Kik ichuna ni mondo apogra kodi, mi adog mak aluwi, nikech kuma idhiye ema nadhiye, kendo kama idakie ema nadagie. Jou nobed jowa, kendo Nyasachu nobed Nyasacha.

Motingʼo Loko Manyien

¹⁶ Ruth nodwoke niya “We chuna mondo aweyi kata apogra kodi. Kuma idhiyo ema an bende abiro dhiye, kendo kama idakie ema abiro dakie. Jogi ema nobed joga kendo Nyasachi ema nobed Nyasacha.

Ruth 1:16 Iomraidhean Croise

2 Samuel 15:21

To Itai nodwoko ruoth niya, “Gi nying Ruoth Nyasaye, kendo gi nyingi iwuon, kamoro amora midhiye, kanyo ema an bende nabedie, kata e tho, kata e ngima.”

Zaburi 45:10

Chik iti nyara, mondo iwinj weche ma awacho, kendo ipargi. Wiyi mondo owil gi jou kaachiel gi wedeni.

Ngeche 17:17

En adier ni osiepni nyalo heri kinde duto, to owadu ema konyi e chandruok.

Isaya 14:1

Ruoth Nyasaye biro kecho jo-Israel ma nyikwa Jakobo, mi ochak oyiergi, kendo oketgi e pinygi giwegi. Jopinje mamoko nobi mondo odag kodgi, mi gilokre jo-Israell.

Daniel 2:47

Nowacho ni Daniel niya, “Nyasachi e Nyasaye maduong’ie moloyo nyiseche mamoko duto, kendo en e Ruodh ruodhi. En ema oelo tiend midhierni. Ang’eyo kamano nikech osemiyi teko mar fwenyo tiend wachni.”

Daniel 3:29

Kuom mano, koro agolo chik ni, ng’ato ang’ata ma owuoyo marach kuom Nyasach Shadrak gi Meshak kod Abednego, to ibiro jak embene gi bedene, bed ni oa e oganda mane, kata dhoot mane, kata owacho dhok mane, kendo nolok ode gunda, nimar onge nyasaye moro amora manyalo reso ji kamano.”

Daniel 4:37

To koro, an Nebukadnezar apako Ruodh Polo kendo amiye duong’, nimar gimoro amora motimo ni kare. Pile ong’ado bura kare, kendo odwoko joma sungore piny.

Hosea 13:4

Ruoth Nyasaye wacho niya, “An e Ruoth Nyasachu mane ogolou Misri. E ndalogo ne ok ung’eyo Nyasaye moro mak mana an, kendo an kende ne e Jawaru.

Zekaria 8:23

Ruoth Nyasaye Manyalo Gik Moko Duto wacho niya, “E kindego ji apar moa e ogendini mamoko, mawacho dhok mopogore opogore, nobi ir ja-Yahudi, mi mak riak lawe, ka wachone niya, ‘Wadwaro dhi kodi, nimar wasewinjo ni Nyasaye ni kodi.’ ”

Mathayo 8:19

To japuonj Chik moro nobiro ire, mowachone niya, “Japuonj, ayie luwi kamoro amora midhiye.”

Johana 13:37

Petro nochako openje ni, “Ruoth, ere gimomiyo ok anyal luwi sani. Ayie tho nikech in!”

Tich Joote 21:13

To Paulo nodwokowa niya, “Utimo ang’o, kuywak kendo utemo mondo uneg chunya? An aseikora mondo otueya, kata mondo atho Jerusalem nikech nying Ruoth Yesu!”

1 Jo-Thesalonika 1:9

nikech jogo duto wacho giwegi kaka ne urwakowa kane walimou, kendo kaka ne ulokoru uweyo nyiseche manono mondo uti ni Nyasaye maradier kendo mangima.

Joshua 24:18

To bende Ruoth Nyasaye noriembo jo-Amor gi ogendini moko ma nodak e pinyni mondo owenwa thuolo. Kuom mano, wan bende wabiro tiyo ni Ruoth Nyasaye, nimar en Nyasachwa.”

Fweny 14:4

Magi e joma ne ok odwanyore gi mon, to ne giritore maler. Giluwo Nyarombo kamoro amora modhiye. Osewargi kuom ji mana kaka olemo mokwongo nyak, michiwo ni Nyasaye kendo ni Nyarombo.

Ruth 1:15

Naomi nowacho ni Ruth niya, “Ne! Nyieki osedok thuru, kendo osedok ir nyisechegi. Dog iluw bang’e.”

Ruth 1:17

Kama nithoe ema nathoe, kendo kanyo ema noyikae. Ruoth Nyasaye mondo okweda ka wach moro opoga kodi, kata da obed mana tho.”

Ruth 2:6

Jatichneno nodwoke niya, “En nyar Moab, ma nobiro gi Naomi, koa e piny Moab cha.

Ruth 4:15

Nobedni ng’ama duogo chunyi, kendo ka ng’ama riti e tiyoni, nikech chi wuodi moherino, kendo moloyoni yawuowi abiriyo, ema osenywolo nyathini.”