Ruth 1:12 - MUMA MALER 2015

¹² Doguru nyiga nikech tinde ati, ok danyal bedo gi dichwo kendo. Ka da anyalo wacho ni ageno bedo gi dichwo gotienoni, kendo nywolo yawuowi,

Motingʼo Loko Manyien

¹² Doguru thucheu, nyiga; aseti ma ok anyal bedo gi dichwo machielo. To kata dine bed ni pod aparo ni an gi geno, kata dine bed ni abedo gi dichwo otienoni mi anywolo yawuowi

Ruth 1:12 Iomraidhean Croise

Chakruok 17:17

Ibrahim nogoyo chonge piny, mokulore nyaka e lowo, to nochako nyiero, koparo ni, “Bende ng’ato dinywol nyathi ka en jahigni mia achiel? Koso Sara nyalo nywol ka en jahigni piero ochiko?”

Chakruok 38:11

Bang’ mano Juda nowacho ni Tamar chi wuode niya, “Dog dalau mondo ibed kuno ka chi liel nyaka Shela wuoda bed maduong’.” Nowachone kamano nikech noluor ni dipo ka Shela wuode bende otho ka owetene. Kamano Tamar nodok dalagi.

1 Timotheo 5:9

Kik iyie mondo ondik nying chi liel ma hike pok oromo piero auchiel e kwan mond liete. To bende nyaka obed dhako modimbore kuom chwore achiel,

Ruth 1:11

To Naomi nowachonigi niya, “Doguru nyiga. Ang’o ma dimi udhi koda? Bende pod danywol yawuowi ma dibed chwou?

Ruth 1:13

bende da uyie rito nyaka gidok madongo? Duritru mak okendu? Ooyo nyiga, an ema anie chandruok moloyo un, nimar Ruoth Nyasaye osekuma.”