Nehemia 9:5 - MUMA MALER 2015

⁵ Eka jo-Lawi ma Jeshua gi Kadmiel gi Bani gi Hashabnia gi Sherebia gi Hodia gi Shebani kod Petyhahia, nowacho niya: Chung’uru kendo upak Ruoth Nyasaye ma Nyasachu, kuwachone ni, “Higni gi higni ipako nyingi moluor, mokadho dend kod pak.”

Motingʼo Loko Manyien

⁵ To jo-Lawi kaka, Jeshua, Kadmiel, Bani, Hashabneya, Sherebia, Hodia, Shebania kod Pethahia nowacho niya, “Chungʼuru malo mondo upak Jehova Nyasaye ma Nyasachu mantiere mochwere manyaka chiengʼ.” “Ogwedh nyingi man-gi duongʼ, kendo mad tingʼe malo moloyo gweth kod pak duto.

Nehemia 9:5 Iomraidhean Croise

1 Ruodhi 8:14

Ruoth Solomon nowichore, kendo kane jo-Israel duto ma nochokore ochung’, noguedhogi.

1 Ruodhi 8:15

Nowacho niya, “Apako Ruoth Nyasaye ma Nyasach Israel, mosechopo singruok ma notimo ni Daudi wuora, kowachone ni,

1 Ruodhi 8:22

Eka Solomon nochung’ e dho kendo-mar-misango mar Ruoth Nyasaye, e nyim jo-Israel duto. Norieyo bedene malo kochomo polo,

1 Ruodhi 8:27

“In Nyasaye, bende didag e piny? Ka kata polo maduong’ manadi ok nyal romi, to koro ot masegeronini direm marom nadi!

1 Weche mag Ndalo 16:36

Odend Ruoth Nyasaye ma Nyasach Israel higni gi higni. Eka ji duto nowacho niya, “Amin!” kendo ne gipako Ruoth Nyasaye.

1 Weche mag Ndalo 29:11

A Ruoth Nyasaye, duong’ gi pak gi teko gi loch gin magi, nimar in e wuon gik moko duto manie polo gi piny, kendo iduong’ moloyogi duto.

1 Weche mag Ndalo 29:13

Koro wagoyoni erokamano Nyasachwa, kendo wapako nyingi maler.

1 Weche mag Ndalo 29:20

Eka Daudi nowacho ni ji duto niya, “Denduru Ruoth Nyasaye ma Nyasachu!” Mi oganda duto nopako Ruoth Nyasaye ma Nyasach kweregi, ka gigoyo chonggi piny, mi gikulore nyaka e lowo e nyim Ruoth Nyasaye, kendo e nyim Ruoth.

2 Weche mag Ndalo 20:13

Jo-Juda duto, kaachiel gi mondegi kod nyithindgi kata matindo manadi, nochung’ e nyim Ruoth Nyasaye.

2 Weche mag Ndalo 20:19

Koro jo-Lawi ma jo-Kohath gi jo-Kora nochako wer ni Ruoth Nyasaye ma Nyasach Israel gi dwol maduong’ ahinya.

Ezra 3:11

Ne giolo wer, ka gipako kendo gigoyo erokamano ni Ruoth Nyasaye niya, “En erokamano, nimar herane kuom jo-Israel osiko nyaka chieng’.” Ji duto nopako Ruoth Nyasaye gi duol maduong’ nikech mise mar Od Ruoth Nyasaye noseketi.

Nehemia 9:4

Jeshua gi Bani gi Kadmiel Shebania gi Buni gi Sherebia gi Bani kod Kenani nochung’ e raidhi ma noket ni jo-Lawi, kendo ne giywak matek ni Ruoth Nyasaye ma Nyasachgi.

Nehemia 9:6

A Ruoth Nyasaye in kendi e Nyasaye. In ema nichweyo polo gi polo man malo mogik, kaachiel gi piny gi gik mantie iye, gi nembe kod gik mantie igi. In ema iritogi duto, kendo gik moko duto manie polo, lamo mana in.

Ayub 1:21

Eka nowacho niya, “Kane awuok ei mama, to ne aonge gi gimoro, kendo chieng’ ma atho, to ok nadog gi gimoro. Ruoth Nyasaye ema ne ochiwo, kendo en ema koro osekawo. Nying Ruoth Nyasaye opaki!”

Zaburi 106:2

Ere ng’ama nyalo hulo gik moko duto mosetimo? Koso en ng’a manyalo pake moromo?

Zaburi 134:1

Biuru upak Ruoth Nyasaye, un jotichne duto, ma tiyo e Hakalu mare gotieno.

Zaburi 145:2

Abiro goyoni erokamano odiechieng’ kodiechieng,, kendo anapaki ndalo duto mochwere.

Zaburi 145:5

Ji nowuo kuom duong’ni maler kod tekoni. An bende napar matut timbeni miwuoro.

Zaburi 146:2

Anapake kuom ngimana duto. Ee, anadend Nyasacha gi wer ndalona duto.

Zaburi 16:2

Asewacho ni Ruoth Nyasacha niya, “In e Ruodha, kendo gik mabeyo duto ma an-go oa mana kuomi.”

Zaburi 66:2

Weruru nyinge maduong’ kumiye pak mang’ongo.

Zaburi 99:3

Ng’ato ka ng’ato nopak nyinge maduong’ kendo malich. Mano kaka oler manade!

Wuok 15:11

A Ruoth Nyasaye, Ere Nyasaye machal kodi? Ere ng’ama ler ka in? Ere ng’ama chal kodi, manyalo timo honni kod timbe madongo miwuoro?

Wuok 15:6

“A Ruoth Nyasaye, badi ma korachwich nigi teko maduong! Oturo wasiki matindotindo.

Daniel 2:20

“Nying Nyasaye opaki nyaka chieng’, nikech rieko duto kod teko gin mage.

Mathayo 11:25

E kindeno Yesu nowacho niya, “A Wuora, ma Ruodh polo gi piny, agoyoni erokamano nikech isepando wechegi ni joma riek kod joma osomo, to isenyiso mana ji ajia.

2 Jo-Korintho 4:6

Watimo kamano nimar Nyasaye achiel mane owacho ni mondo ler orieny e chunywa mondo okelnwa ler mar ng’eyo duong’ mar Nyasaye mineno e wang’ Yesu Kristo.

Rapar mar Chik 28:58

“Ka ok urito chike duto mondiki e kitabuni, kendo ok luoro nying Ruoth Nyasaye ma Nyasachu, ma en nying maduong’ kendo malich,

1 Petro 1:3

Duong’ obed ni Nyasaye Wuon Ruodhwa Yesu Kristo. Kuom ng’wonone maduong’ nonywolowa gi nywol manyien kuom chiero Yesu oa kuom joma otho. Mano miyo wabedo gi geno mangima.

Jong’ad Bura 13:18

To malaika nopenje ni, “Marang’o idwaro ng’eyo nyinga, to en nying modhiero ji ng’eyo?”