Nehemia 9:4 - MUMA MALER 2015

⁴ Jeshua gi Bani gi Kadmiel Shebania gi Buni gi Sherebia gi Bani kod Kenani nochung’ e raidhi ma noket ni jo-Lawi, kendo ne giywak matek ni Ruoth Nyasaye ma Nyasachgi.

Motingʼo Loko Manyien

⁴ Jo-Lawi mane ochungʼ e raidhi kaywak matek ni Jehova Nyasaye ma Nyasachgi ne gin, Jeshua, Bani, Kadmiel, Shebania, Buni, Sherebia, Bani kod Kenani.

Nehemia 9:4 Iomraidhean Croise

2 Weche mag Ndalo 20:19

Koro jo-Lawi ma jo-Kohath gi jo-Kora nochako wer ni Ruoth Nyasaye ma Nyasach Israel gi dwol maduong’ ahinya.

Nehemia 12:8

Jo-lawi ne gin: Jeshua gi Binui gi Kadmiel gi Sherebia gi Juda kod Matania. Matania nogono kaachiel gi jowetene, ema ne telo ni wer sa lemo.

Nehemia 3:17

Jo-Lawi ema notiyo e dir Nehemia. Hashabia, jatend dir gweng’ Keila, nogedo e dir Rehum wuod Bani, kochung’ ni jogweng’gi.

Nehemia 8:4

Ezra japuonj chik nochung’ ewi ndiri mar bao molos ni somo chik, ka Matithia gi Shema gi Anaya gi Uria gi Hilkia kod Maaseya ochung’ e bathe ma korachwich, to Pedaya gi Mishael gi Malkia gi Hashum gi Hashbadana gi Zekaria kod Meshulam to ne jochung’ e bathe ma koracham.

Nehemia 8:7

Jeshua gi Bani gi Sherebia gi Jamin gi Akub gi Shabethai gi Hodia gi Maaseya gi Kelita gi Azaria gi Jozabad gi Hanan kod Pelaya ma jo-Lawi nohulo ni ji tiend chik, mana ka ji obet keregi.

Nehemia 9:5

Eka jo-Lawi ma Jeshua gi Kadmiel gi Bani gi Hashabnia gi Sherebia gi Hodia gi Shebani kod Petyhahia, nowacho niya: Chung’uru kendo upak Ruoth Nyasaye ma Nyasachu, kuwachone ni, “Higni gi higni ipako nyingi moluor, mokadho dend kod pak.”

Zaburi 130:1

A Ruoth Nyasaye, anie chandruok malit! Winj ywakna!

Zaburi 3:4

Aluongo Nyasaye mondo okonya, kendo odwoka gie wi gode maler.

Zaburi 77:1

Aywak ni Nyasaye matek. Ee, aywak matek, kendo owinja.

Ywagruok 3:8

Bende kata ka aywak, kendo aluonge mondo okonya, to ok odwar winjo kwayona.

Johana 11:43

Kane osewacho kamano, nokok matek niya, “Lazaro, wuog oko!”

Tich Joote 7:60

Eka nogoyo chonge piny, mokok matek niya, “Ruoth, we ni jogi richogi.” To kane osewacho kamano, chunye nochot. Saulo noyie gi nek Stefano.