Nehemia 9:37 - MUMA MALER 2015

³⁷ Gik moko duto ma pinywani nyago dhi mana ni ruodhi miketo mondo otiwa nikech richowa. Gin gi teko kuom dendwa, kendo gitimo gima gihero ni jambwa, ka wan to wachandore malich.”

Motingʼo Loko Manyien

³⁷ Gik moko ma pinywani nyago dhi mana ne ruodhi miketo mondo otiwa nikech richowa. Gin gi teko kuom dendwa kendo gitimo mana gima gihero ni jambwa, to wan, to wan gi midhiero miwuoro.

Nehemia 9:37 Iomraidhean Croise

Ezra 4:13

To ruoth, nyaka ing’e malong’o ni kapo ni gigero dalagino, mi gitieko ohingane, to ok ginigol osuru, kata golo chiwo, kata mana chulo gimoro amora, mi e gikone giniketh lochni.

Ezra 6:8

To bende achiko kaka onego utim ni jodong jo-Yahudigo, mondo Od Nyasayeno oger. Kaw pesa moko moa kuom osuch piny man loka Yufrate, ochulgo gik moko duto ma jogo konyorego, mondo kik tich chung’.

Ezra 7:24

To bende wanyisou malong’o ni uonge gi teko mar keto osuru kata chudo moro kuom jodolo gi jo-Lawi gi jower gi jorit dhorangeye kod jotich Hekalu, kata kuom ji mamoko e Od Nyasaye.

Nehemia 5:8

Eka namedo wachonigi niya, “Jo-Yahudi weteu mane jopinje mamoko ong’iewo, wasewaro mwadwoko, kaka wanyalo, to un koro uuso mana joweteu uwegi, to mano biro chunowa mana ni nyaka wawargi kendo!” Ne giling’ ka dhogi omoko.

Ywagruok 5:5

Wasandore malit gi jok mapek e ng’utwa. Inegowa gi tich, ma ok wanyal yudo yueyo.

Tim jo-Lawi 26:17

Anabed mosin kodu, mi wasiku nonegu. Unubed e bwo loch joma mon kodu, kendo unubwogru gi ng’wech kata ka onge joma lawou.

Johana 8:33

To ne giwachone niya, “Wan koth Ibrahim, kendo pok wabedo wasumb ng’ato nyaka nene. Koro ere gima omiyo iwacho ni wanabed thuolo?”

Rapar mar Chik 28:33

“Oganda moro ma ok ung’eyo nocham gik monyak e puotheu, kendo unubed joma othir malich e ngimau duto.

Rapar mar Chik 28:39

Unupidh mzabibu, kendo unudogi, to ok unuka olembgi kata madho divachgi, bende ok unumadhi nikech, kudni nokethgi.

Rapar mar Chik 28:48

Emomiyo unuti ni wasigu ma Ruoth Nyasaye biri oro mondo omonju. Kech nokau, kendo riyo nolou; unuwuoth duge, kendo nuchand gimoro amora. Ruoth Nyasaye noket jok mar nyinyo e ng’utu nyaka otieku.

Rapar mar Chik 28:51

Ginicham jambu gi chambu, ma ok giweyonu cham kata divai kata mo kata mana chiayo moro kuom jambu nyaka urum.