Nehemia 9:32 - MUMA MALER 2015

³² “A Nyasachwa man gi teko, in e Nyasaye maduong’ kendo malich, ma rito singruokne gi adiera. Omiyo koro kik ikaw masiche mwanenogi mayot, nikech ruodhiwa gi jodongwa gi jodolowa gi jonabiwa gi kwerewa kod jogi duto osethagore, chakre ndalo loch ruodhi mag Asuria nyaka chil kawuono.

Motingʼo Loko Manyien

³² “Emomiyo koro sani, yaye Nyasachwa, in e Nyasaye maduongʼ, Nyasaye nyakalaga kendo Nyasaye Maratego bende in e Nyasaye marito singruokne mar hera. Kik ikaw chandruok mwanenogi mayot; chandruokgi osebiro kuomwa, kuom ruodhi magwa kod jotendwa, kuom jodolo magwa kod jonabi, kuom kwerewa kod jogi duto, kochakore ndalo loch mag ruodhi jo-Asuria nyaka kawuono.

Nehemia 9:32 Iomraidhean Croise

1 Ruodhi 8:23

mowacho niya, “A Ruoth Nyasaye ma Nyasach Israel onge nyasaye moro e piny mwalo machal kodi. Irito singruokni mitimo gi jotichni ma wuotho e yoreni gi chunygi duto, kendo iherogi gi hera mosiko.

2 Ruodhi 15:19

Ndalogo ema Pul ruodh Asuria nomonjoe e piny Israel, to Menahem nomiyo Pul fedha moromo kilo alufu mia adek, mondo Pul okonye jiwo lochne obed motegno.

2 Ruodhi 15:29

E ndalo mag loch Peka ruodh Israel, Tiglath-pileser ruodh Asuria nobiro, mokawo Ijon gi Abel-bethmaaka gi Janoa gi Kedesh gi Hazor gi Gilead kod Galili. Kamano nokawo piny Naftali duto, motero jopinyno nyaka Asuria e tuech.

2 Ruodhi 17:23

nyaka Ruoth Nyasaye nogologi e nyime, kaka nosemiyo jonabine duto owacho. Nodarogi moterogi Asuria, kuma gintie nyaka chil kawuono.

2 Ruodhi 17:3

Shalmaneser ruodh Asuria nokedo gi Hoshea, mi oloyo. Koro Hoshea nobet e bwo lochne, kendo golone osuru.

2 Ruodhi 17:6

mokawe e higa mar ochiko mar loch Hoshea. Nomako jo-Israel, motero Asuria, kendo noketo moko mondo odag Hela but aora Habor man Gazon, to moko noketo e miech jo-Media.

2 Ruodhi 23:29

E ndalo Josia ema ne Farao-neko, ruodh Misri, odhi kedoe gi ruodh Asuria e dho aora Yufrate. Ruoth Josia nodhi Megido kedo kode, to kane girado, Farao nonege.

2 Ruodhi 25:7

Ne ginego yawuot Zedekia e wang’e koneno, eka ne gitoko wengene oko, kendo gitueye gi nyororo, mi gitere Babulon.

Ezra 4:10

kod ji mamoko mane Asnapar ruoth moluor kendo mogen odaro momiyo kar dak e dala mar Samaria, kendo e piny man loka aora Yufrate.”

Ezra 4:2

ne gidhi ir Zerubabel gi Jeshua kod jodong dhoudi, mi giwachonigi niya, “We wakonyu gedo, nikech Nyasachuno ema wan bende walamo, kendo wasebedo ka watimone misango, chakre ndalo loch Esarhadon ruodh Asuria, ma nokelowa ku.”

Ezra 9:13

“A Nyasachwa, nikumowa kuom richowa kendo kuom kethowa maduong’. Kata kamano ne ok ikumowa maromre gi richowago, to niweyo jowa moko otony, mi wabedo thuolo kaka koroni.

Nehemia 1:5

Ne alemo kama: “A Ruoth Nyasaye ma Nyasach polo, Nyasaye maduong’ kendo malich. Irito singruok mitimo gi joma oheri kendo marito chikeni, kiherogi gi hera mosiko.

Zaburi 47:2

Mano kaka Ruoth Nyasaye Maduong’ Moloyo lich miwuoro! En Ruoth Maduong’ morito piny ngima,

Zaburi 66:3

Pakuru Nyasaye niya, “Mano kaka gik mitimo lich miwuoro! Tekoni duong’ ahinya, omiyo wasiki kulore gi luoro e nyimi.

Zaburi 66:5

Biuru mondo uneye gik madongo ma Nyasaye osetimo ni ji.

Wuok 18:8

Musa nonyise duto mane Ruoth Nyasaye osetimo ni Farao, kendo ni jo-Misri, nikech nohero jo-Israel. Bende nonyise thagruok mane giyudo e yo, kendo kaka Ruoth Nyasaye noresogi.

Isaya 9:6

nikech nonywolnwa nyathi. Adier, ibiro miyowa wuowi, kendo loch nobed e lwete. Noluong nyinge ni, Jabura Mahono, Nyasaye Maratego,, Wuoro ma nyaka chieng’, kendo Ruodh Kue.

Daniel 9:4

Ne alamo Ruoth Nyasacha kendo ahulo richo mag jowa, ka awacho niya, “A Ruoth Nyasaye in e Nyasaye maduong’ kendo malich. Irito singruok mitimo gi joma oheri kendo marito chikeni, kendo iherogi gi hera mosiko.

Daniel 9:6

Wasetamore winjo jotichni ma jonabi mane owuoyo e nyingi ni ruodhiwa kendo ni jotendwa gi kwerewa kod oganda duto.

Daniel 9:8

Ee, Ruoth Nyasaye, wan gi ruodhiwa gi jotendwa kod kwerewa wayudo wichkuot nikech wasetimo richo e nyimi.

Tim jo-Lawi 26:18

“Ka pod utamoru winja bang’ gigo duto, to anamed kumou nyadibiriyo kuom richou.

Tim jo-Lawi 26:21

“To kapod upiem koda, mutamoru winja, to nakelnu masiche nyadibiriyo marom gi richou.

Tim jo-Lawi 26:24

an bende napiem kodu, kendo namiu kum nyadibiriyo nikech richou.

Tim jo-Lawi 26:28

to an bende nasik kapiem kodu gi mirimba mager, mi nakumu nyadibiriyo nikech richou.

Rapar mar Chik 7:12

“Kuwinjo chikegi kendo uritogi, to Ruoth Nyasaye ma Nyasachu biro rito singruok mane otimo gi kwereu, kendo obiro siko koherou.

Rapar mar Chik 7:13

Enoheru kendo enogwedhu, mi enomi unya mathoth. Enoguedhu gi nyithindo mang’eny kod gik manyak e pwotheu, kaka ngano gi divai kod mo, kendo enoguedhu gi jamni mang’eny e piny ma nosingore ni kwereu ni nomiu.

Rapar mar Chik 7:21

Kik luoro maku kukedo kodgi, nimar Ruoth Nyasaye ma Nyasachu, ma en Nyasaye maduong’ kendo malich ni kodu.

Rapar mar Chik 7:9

Omiyo koro ng’euru ni Ruoth Nyasaye ma Nyasachu en Nyasaye. En Nyasaye ma jaadiera kendo marito singruokne kuom tienge gana gi gana mag ji mohere kendo momako chikene, koherogi gi hera mosiko.