Nehemia 9:31 - MUMA MALER 2015

³¹ Kata kamano kuom ng’wononi mogundho ne ok itiekogi kata jwang’ogi chuth, nimar in Nyasaye mang’won gi lala kendo ma kechoo ji.

Motingʼo Loko Manyien

³¹ To e ngʼwono mari makende ne ok itiekogi chuth bende ne ok ijwangʼogi, nikech in Nyasaye ma jangʼwono kendo makecho joge.

Nehemia 9:31 Iomraidhean Croise

2 Ruodhi 13:23

To Ruoth Nyasaye nong’wononigi, kendo nokechogi, koparo singruok mane otimo gi Ibrahim kendo gi Isaka kod Jakobo. Emomiyo ne ok otiekogi, kata witogi oko ne ok owitogi.

2 Weche mag Ndalo 30:9

Kuduogo kuom Ruoth Nyasaye, eka oweteu gi nyithindu noyud ng’wono kuom joma nomakogi, mi giniduogi e pinyni, nimar Ruoth Nyasaye ma Nyasachu ng’won, kendo jamiwafu, omiyo ka uduogo kuome, to ok noloknu ng’eye.”

Nehemia 9:17

Ne gitamore luwo chikni, kendo ne ok giparo honni ma nitimo e nyimgi. Ne gisiko ka tokgi tek, mi giketo ng’ato otelnigi, mondo gidog gibed wasumbni e piny Misri. To ne ok ijwang’ogi, nikech in Nyasaye mang’won, ma weyoni ji richogi, kendo mohero kecho ji. Iyi ok wang’ piyo, to herani osiko.

Nehemia 9:19

To kata kamano kuom ng’wononi maduong’ ne ok ijwang’ogi e thim. Siro ma bor polo nosiko ka telonigi godiechieng’, to gotieno siro mar mach nosiko ka menyonigi yo mane giwuothoe.

Isaya 48:9

Kar tiekou to ne aterora mos, mi ageng’o mirimba mana nikech nyinga gi duong’na.

Jeremia 4:27

Ruoth Nyasaye osewacho ni piny ngima biro dong’ nono, to ok nokethe chuth.

Jeremia 5:10

Abiro chiko wasikgi mondo ochadh yiend mzabibu maggi, to ok ginikethgi chuth nimar abiro nyisogi mondo gilwer mana bedegi oko nikech ok gin maga.

Jeremia 5:18

To kata e ndalogo, an Ruoth Nyasaye awacho ni ok natieku chuth.

Ywagruok 3:22

hera mosiko mar Ruoth Nyasaye ochwere, kendo ng’wonone ok rum.

Daniel 9:9

In ijang’wono kendo iweyo ni ji richogi, kata obedo ni wan wasepiem kodi.

Rapar mar Chik 4:31

Ruoth Nyasaye ma Nyasachu en Nyasaye mang’won, omiyo ok nojwang’u, kata kethou ok nokethu, kendo wiye ok nowil gi singruok ma notimo gi kwereu kokuong’ore.