Nehemia 9:30 - MUMA MALER 2015

³⁰ Kuom higni mang’eny ning’wononigi, ka Roho mari siemogi gi dho jonabi magi, to ne ok ginyal winjo. Omiyo nichiwogi e lwet jopinje mamoko.

Motingʼo Loko Manyien

³⁰ Kuom higni mangʼeny ne ihori kodgi. Kuom Roho mari ne ipuonjori kodgi kokalo kuom jonabi magi. Kata kamano, ne ok gichiko itgi malongʼo, omiyo ne ichiwogi ne joma ok jo-Yahudi.

Nehemia 9:30 Iomraidhean Croise

2 Ruodhi 18:11

Ruodh Asuria nodaro jo-Israel, motero nyaka Asuria, mi noketo moko kuomgi mondo odag Hela but aora Habor man Gozan, to moko noketo e miech jo-Media.

2 Ruodhi 21:10

Ruoth Nyasaye nomiyo jotichne ma jonabi owacho niya,

2 Weche mag Ndalo 24:19

Kata kamano nooronigi jonabi mondo odwokgi ire. Jonabigo nosiemogi, to ne gidagi winjo.

Ezra 9:10

A Nyasachwa, koro dwawach ang’o kwasejwang’o chikeni, bang’ ng’wono machal kama?

Nehemia 9:20

Nimiyogi Roho mari maber mondo opuonjgi. Ne ok ituonogi manna ma nioro, kendo nisiko kimiyogi pi mondo gineggo riyo.

Nehemia 9:26

“To kata kamano ne wigi tek, mi ging’anyoni. Ne gilokore ni giweyo chikni, kendo ne ginego jonabi magi ma noyudo siemogi mondo giduog iri. Ne gichayi ahinya,

Nehemia 9:29

Nikwerogi matek mondo gilokre kendo gimak chikeni, to ne gisungore, mi ok gidewo chikni. Ne giketho chikni, ma ka ng’ato orito, to yudo ngima. Ne gilokore giweyi ka tokgi tek ta, mi gitamore mako chikeni.

Zaburi 86:15

Ruoth, in e Nyasaye ma jang’wono kendo makecho ji. Iyi ok wang’ piyo, kendo inyiso adierani kod herani mosiko.

Zaburi 95:10

Ne asin kodgi kuom higni piero ang’wen, mi awacho niya, ‘Gitamore winjo chikena, kendo ok ging’eyo yorena.’

Isaya 28:10

Onwoyonwa gik mowacho ndalo mang’eny, kodhum gi weche ma onge tiendgi.”

Isaya 42:24

En ng’a, mane ochiwo jo-Israel ma nyikwa Jakobo e lwet joyeko? Donge en Ruoth Nyasaye? Ne giketho e nyime, mi gitamore luwo yorene, kendo gidagi rito chikne.

Isaya 48:9

Kar tiekou to ne aterora mos, mi ageng’o mirimba mana nikech nyinga gi duong’na.

Isaya 63:10

To kata kamano, ne gidagi lochne, mi gimiyo Roho mare maler okuyo, eka ne olokore jasikgi, mi okedo kodgi en owuon.

Jeremia 25:4

Ruoth Nyasaye bende osetimo kinda kaoronu jotichne ma jonabi, to ok usewinjo, kendo ok usedewo.

Jeremia 44:22

Kata mana sani, pinyu okethore maonge ng’ama odakie. Oselokore gima bwogo ji, kendo giluongo nyinge ka gima okuong’, nikech Ruoth Nyasaye ne ok nyal weyo mak okumou kuom timbeu maricho.

Jeremia 44:4

Ne asiko ka aoronu jotichna ma jonabi mondo okweru kik utim gik makuero ma amon-gogo,

Jeremia 44:5

to ne udagi winjo, kata dewo ne ok udewo. Bende ne utamoru weyo tim marach mar timo misengni ni nyiseche mamoko.

Jeremia 7:25

Chakre chieng’ mane kwereu owuokie Misri nyaka chil kawuono, asekawo chandruok, mi aoronigi jotichna ma jonabi.

Ywagruok 2:17

To Ruoth Nyasaye osetimo gima nochano chon. Adier, osetimo gima nosiemo ji ni obiro timo. Oseketho gik moko ka ok odewo, kendo omiyo wasigu ogoyoni siboi komedo tekogi.

Daniel 9:6

Wasetamore winjo jotichni ma jonabi mane owuoyo e nyingi ni ruodhiwa kendo ni jotendwa gi kwerewa kod oganda duto.

Zekaria 7:12

Bende ne gijiwo chunygi mobedo matek ka kidi, mi gitamore winjo puonj kod weche duto mane Roho mara miyo jonabi machon puonjogi. Kuom mano an Ruoth Nyasaye Manyalo Gik Moko Duto nakumogi gi mirimba.

Zekaria 7:13

Ne awacho niya, ‘Kaka ne gidagi winja ka aluongogi, e kaka ne adagi winjogi ka giluonga,

Kwan 11:26

To ji ariyo ma nyinggi Eldad kol Medad, mane osekwan kaachiel gi jodongo piero abiriyoka nodong’ chien e kambi. To kata obedo ni gin ne ok gidhi e Hema kamano, Roho nobiro kuomgi, mi gidhumore e kambi.

Tich Joote 13:18

kendo nokurogi e thim kuom higni ma dirom piero ang’wen.

Tich Joote 28:25

Kuom mano ne gipogore e kindgi giwegi. Kane gidwaro a, Paulo nonyisogi wach achiel niya, “Mano kaka Roho Maler nomiyo janabi Isaya owuoyo maber gi kwereu,

Tich Joote 7:51

“Mano kaka un joma wigi tek, ma chunygi bor gi Nyasaye, kendo modagi winjo wachne! Uchalo mana gi kwereu, nikech ndalo duto usegeng’o tich Roho Maler, mana kaka gin bende ne gitimo!

Jo-Rumi 2:4

Koso itimo kamano nikech ichayo Nyasaye nimar ong’won ahinya kendo ohore mos, mak okumi piyo? Donge ing’eyo ni Nyasaye ng’won kamano mana nikech odwaro ni mondo ilokri?

1 Petro 1:11

Roho mar Kristo mane ni kuomgi nonyisogi chon masiche mane Kristo biro yudo, kod duong’ mane biro luwo masichego, omiyo ne gitemo manyo kinde mane gigo biro timore, kendo kaka gibiro timore.

2 Petro 1:21

nikech onge wach mane okor mana nikech dwaro mar dhano. To ji ne wacho wach moa kuom Nyasaye, mana kaka Roho Maler ne telonigi.

2 Petro 3:9

To kik upar ni Ruoth odeko kuom timo gima osesingore ni obiro timo kaka jomoko paro. Ooyo, ohorenu mos kapod orito, nikech ok odwar ni mondo ng’ato olal, to odwaro ni mondo ji duto olokre owe richogi.