Nehemia 9:29 - MUMA MALER 2015

²⁹ Nikwerogi matek mondo gilokre kendo gimak chikeni, to ne gisungore, mi ok gidewo chikni. Ne giketho chikni, ma ka ng’ato orito, to yudo ngima. Ne gilokore giweyi ka tokgi tek ta, mi gitamore mako chikeni.

Motingʼo Loko Manyien

²⁹ “Ne isiemogi mondo gidwog kuom chikni, to negibedo jongʼayi kendo ma ok oluoro chikeni. Negitimo richo kuom chayo puonj magi, maka ngʼato orito to kelone ngima. Negilokore giweyi ka tokgi tek ta mi ok girito chikeni.

Nehemia 9:29 Iomraidhean Croise

2 Ruodhi 17:13

Ruoth Nyasaye ne siemo jo-Israel kod jo-Juda, kooronigi jonabi gi jokor wach duto, kowachonigi niya, “Weuru yoreu maricho, mondo umak chikena gi buchena ma jonabina mane aoro onyiso kwereu.”

2 Ruodhi 17:14

To kata kamano, ne gidagi weyo yorego, nikech ne wigi tek ka wi kweregi mane ok oyie kuom Ruoth Nyasaye ma Nyasachgi.

2 Weche mag Ndalo 24:19

Kata kamano nooronigi jonabi mondo odwokgi ire. Jonabigo nosiemogi, to ne gidagi winjo.

2 Weche mag Ndalo 33:10

Ruoth Nyasaye nowuoyoo gi Manase kod joge, to ne ok gidewe.

2 Weche mag Ndalo 36:15

Ruoth Nyasaye ma Nyasach kweregi notimo kinda kooronigi jootene pile nikech nokecho joge, kendo nohero kar dakne.

Nehemia 13:15

E ndalo gogo naneno jomoko e piny Juda mabiyo mzabibu chieng’ Sabato, mondo olosgo divai, kod joma choko divai gi mzabibu gi ng’owo gi gik ohala moko ma giyieyo kuom kenje chieng’ Sabato, kendo gikelo Jerusalem. Mi nakwerogi ni kik gihon chiemo chieng’ Sabato.

Nehemia 9:10

Nitimo ranyisi gi honni misandogo Farao gi joge kod ji duto mane ni e pinye, nimar ning’eyo kaka ne gitiyo kwerewa gi achaye. Kamano nimiyo nyingi obedo gi huma mosiko nyaka chil kawuono.

Nehemia 9:16

“To kwerewago ne jong’ayi, kendo tokgi ne tek, mi giketho chikni.

Nehemia 9:26

“To kata kamano ne wigi tek, mi ging’anyoni. Ne gilokore ni giweyo chikni, kendo ne ginego jonabi magi ma noyudo siemogi mondo giduog iri. Ne gichayi ahinya,

Nehemia 9:30

Kuom higni mang’eny ning’wononigi, ka Roho mari siemogi gi dho jonabi magi, to ne ok ginyal winjo. Omiyo nichiwogi e lwet jopinje mamoko.

Wuok 10:3

Kuom mano Musa gi Harun nodhi ir Farao, mowachone niya, “Ruoth Nyasaye ma Nyasach jo-Hibrania owacho kama: ‘Pod ibiro dagi bolori e nyima nyaka kar ang’o? We joga oa mondo odhi olama.

Jeremia 17:23

To kweregi ne ok odewo winjo wachna, kendo wigi ne odoko matek, mi gidagi luora, kata obedo ni asekumogi kamano.

Jeremia 19:15

“Ruoth Nyasaye Manyalo Gik Moko Duto ma Nyasach Israel owacho ni obiro kelo masiche duto mane osiemogo dalani kaachiel gi mier duto mokiewo kode, nikech un joma tokgi tek, motamore winjo wachne.”

Jeremia 42:19

Eka Jeremia nodhi nyime kawacho niya, “Ruoth Nyasaye osenyisou un joma odong’ e piny Juda ni kik udhi e piny Misri. Kuom mano, koro asiemou ni,

Jeremia 43:2

Azaria wuod Hoshaya kod Johanan wuod Karea, kaachiel gi ji mamoko duto ma wigi tek, ne jowacho ni Jeremia niya, “Iriambo! Ruoth Nyasachwa ok oseori mondo ikwerwa ni kik wadhi wadag Misri.

Jeremia 44:10

To pok uboloru kata mana nyaka chil kawuono, kendo ok useluora kata rito chikena gi buchena mane amiyou gi kwereu.

Jeremia 7:26

To kata kamano ne ok gidewa, bende ne ok giwinja, to wigi nomedo doko matek moloyo kata mana wi kweregi.

Ezekiel 20:11

Eka ne amiyogi chikena, kendo apuonjogi buchena, ma ka ng’ato orito, to yudo ngima.

Daniel 5:20

To nikech ne odoko jasunga ma wiye tek kendo ma jakwinyo, ne omaye lochne kaachiel gi duong’ne.

Hosea 6:5

Kuom mano, aseoro jonabi maga iru mondo osiemu ni ibiro kumou kendo tiekou. Gima adwaro ni mondo un joga utim, en gima ratiro kendo maler,

Tim jo-Lawi 18:5

omiyo nyaka urit chikena gi buchena, ma ka ng’ato orito, to yudo ngima. An e Ruoth Nyasaye.

Mathayo 19:17

To Yesu nodwoke ni, “Ere gima omiyo ipenja gima ber? Ng’at achiel kende ema ber. To ka idwaro donjo e ngima, to nyaka irit chike.”

Luka 10:28

Yesu nowacho ne ni, “Idwoko kare! Tim kamano, eka inibed mangima.”

Jo-Rumi 10:5

Gima ne Musa ondiko kuom wach bedo e winjruok gi Nyasaye kuom mako Chik wacho kama: “Ng’at ma omako Chik, Chik nomi obed mangima.”

Jo-Galatia 3:12

To Chik ok otenore kuom yie ngang’, nikech Muma wacho niya, “Ng’ama otimo gik ma Chik dwaro ema nobed mangima kuom Chik.”

Rapar mar Chik 31:21

Ka githagore malit kendo gineno masiche malit kamano, to wendni nobednigi rapar, nimar nyikwagi nosik ka were. Kata koroni, kapok akelogi e piny ma nasingora ni namigi, ang’eyo kaka chunygi chalo.”

Rapar mar Chik 31:27

nimar ang’eyo ni un joma wigi tek ta. Usetamoru winjo Ruoth Nyasaye kata kapod angima ka an kodu. Koro kasetho to ubiro dage machal nadi?

Rapar mar Chik 4:26

Koro aluongo polo gi piny mondo obed janeno ni, ka timbeu obedo maricho e nyim Ruoth Nyasaye ma Nyasachu kamano, mokecho kodu, to unurum piyopiyo, kendo ok nudag aming’a e piny ma koro ung’ado Jordan mondo udhi ukaw, to notieku chuth.

Jong’ad Bura 6:10

Nawachonu ni an e Ruoth Nyasaye ma Nyasachu, kendo ni kik ulam nyiseche jo-Amor ma koro udak e pinygi. To ne ok uwinjo wachna.’ ”