Nehemia 9:28 - MUMA MALER 2015

²⁸ To kane giseyudo yueyo matin, timbegi nochako bedo maricho e nyimi, omiyo nijwang’ogi michiwogi e lwet wasikgi moloyogi. Ne gichako giywakni nyading’eny mondo ikonygi, kendo pile niwinjogi gie polo, miresogi kuom ng’wononi.

Motingʼo Loko Manyien

²⁸ “To apoya nono kane giseyudo yweyo, negitimo gima ok owinjore e nyim wangʼi. Bangʼe ne ijwangʼogi e lwet wasikgi mondo omi wasikgigo obed ruodhgi. To kane gichak giywakni kendo ne iwinjogi ka in e polo, to e ngʼwononi mogundho ne iresogi kuom kinde ka kinde.

Nehemia 9:28 Iomraidhean Croise

1 Ruodhi 8:39

to yie mondo iwinj e polo kama idakie. Iwene richone, kendo ichop lemone, kimiye moromo gi timbene, nikech in kendi ema ing’eyo chuny ji duto.

Zaburi 106:42

Bende wasikgigo ne othirogi, mi olokogi wasumbgi.

Zaburi 136:24

Chutho, ne ogolowa e teko wasikwa. Herane mosiko ochwere.

Isaya 63:15

A Ruoth Nyasaye, rang piny gie polo mondo ine. Ee, rang piny gi kuma ler ma idakie gi duong’. Tinde ere hera matut ma yande iherowago cha? Koso ere tekoni kod kinda mane in go chon?

Jong’ad Bura 2:19

To pile kane jatelo ma kamano osetho, ne gidok e timbe maricho moloyo mane kweregi timo, kendo ne giluwo nyiseche mamoko, ka gitiyonigi kendo gilamogi. Ne ok giweyo timbegi maricho, kata yoregi mag wich teko.

Jong’ad Bura 3:30

Kamano jo-Israel noloyo jo-Moab, mi pinyno nobedo gi kue kuom higni piero aboro.

Jong’ad Bura 4:1

Bang’ tho Ehud, timbe jo-Israel nochako obedo maricho e nyim Ruoth Nyasaye,

Jong’ad Bura 5:31

“A Ruoth Nyasaye, wasiki duto mondo olal nono kamano, to ji duto moheri mondo orieny ka wang’chieng’ ma wuok gi tekone duto.” Bang’e piny Israel nobedo gi kue kuom higni piero ang’wen.