Nehemia 9:26 - MUMA MALER 2015

²⁶ “To kata kamano ne wigi tek, mi ging’anyoni. Ne gilokore ni giweyo chikni, kendo ne ginego jonabi magi ma noyudo siemogi mondo giduog iri. Ne gichayi ahinya,

Motingʼo Loko Manyien

²⁶ “Kata kamano negibedo maonge luor mi gingʼanyoni; kendo wigi nowil kod chikeni. Neginego jonabi magi; mane osebedo ka puonjogi mondo gidwog iri; negitimo timbe maricho miwuoro.

Nehemia 9:26 Iomraidhean Croise

1 Ruodhi 14:9

to in iseketho moloyo joma nokwongoni; iseloso nyisecheni iwuon mag chuma, kimiyago mirima, kendo iselokona ng’eyi.

1 Ruodhi 18:13

Bende isewinjo gima natimo ka Jezebel ne nego jonabi mag Ruoth Nyasaye? Napando jonabi mia achiel. Piero abich napando e rogo achiel, to piero abich e rogo machielo, mamiyogi chiemo gi pi bende.

1 Ruodhi 18:4

kendo kane Jezebel nego jonabi mag Ruoth Nyasaye, to nopando jonabi mia achiel kuomgi. Piero abich nopando e rogo achiel, to piero abich opando e rogo machielo, momiyogi chiemo gi pi bende.)

1 Ruodhi 19:10

Nodwoko niya, “A Ruoth Nyasaye Manyalo Gik Moko Duto, asetiyoni gi kinda nikech hera maduong’ maherigo, to jo-Israel ok oserito singruok mane itimo kodgi. Gisemuko kendeni mag misango, kendo gisenego jonabi magi, mak mana an ema adong’, to koro gidwaro nega.”

2 Ruodhi 21:10

Ruoth Nyasaye nomiyo jotichne ma jonabi owacho niya,

2 Ruodhi 21:11

“Manase ruodh Juda osetimo tim makuero, kod richo madongo moloyo mago duto mane jo-Amor otimo chon, kendo osemiyo jo-Juda bende obedo joricho, nikech nyisechene manono.

2 Weche mag Ndalo 36:16

To ne gimedo charo joote Nyasaye, ka gichayo wachne, kendo ginyiero jonabi mage, nyaka Ruoth Nyasaye nokecho kodgi, ma koro ne ok ginyal konyo.

Nehemia 9:18

Ne giloso kido mar roya gi dhahabu moleny, mi giwacho ni mano e nyasachgi ma nogologi Misri, kendo ne gichayi ahinya.

Nehemia 9:29

Nikwerogi matek mondo gilokre kendo gimak chikeni, to ne gisungore, mi ok gidewo chikni. Ne giketho chikni, ma ka ng’ato orito, to yudo ngima. Ne gilokore giweyi ka tokgi tek ta, mi gitamore mako chikeni.

Nehemia 9:30

Kuom higni mang’eny ning’wononigi, ka Roho mari siemogi gi dho jonabi magi, to ne ok ginyal winjo. Omiyo nichiwogi e lwet jopinje mamoko.

Zaburi 50:17

to isedagi ni ok rieyi, kendo ok idwar chikena?

Jeremia 16:11

To dwokgi ni Ruoth Nyasaye owacho kama: ‘Kwereu noweya, mi otiyo ni nyiseche mamoko kendo olamo. Ne giweya kendo ne ok giwinjo chikena.

Jeremia 2:30

Ne anego yawuotu, to mano ne ok opuonjou, bende ne ok unyal yie kethou, to ne unego jonabi mau mana kaka sibuor mager neko.

Jeremia 2:7

Ne akelou e piny momew, mondo ucham gik monyakie kod gik mabeyo mantie. To kane udonjo e piny mane amiyouno ne udwanye, mi ukethe.

Jeremia 32:23

To kane gidonjo e pinyni, mi gidakie, ne ok girito chikeni, bende ne ok giluori. Ne ok gitimo gimoro amora mane isechikogi mondo gitim. Mano emomiyo ne ikelo masirani duto kuomgi.

Jeremia 42:19

Eka Jeremia nodhi nyime kawacho niya, “Ruoth Nyasaye osenyisou un joma odong’ e piny Juda ni kik udhi e piny Misri. Kuom mano, koro asiemou ni,

Ywagruok 3:42

A Ruoth Nyasaye, wan e joma osetimo richo mi opiem kodi, to pok ing’wononwa kuom richowa.

Ezekiel 20:21

“To kata obedo ni ne akwerogi kamano, to gin bende ne gipiem koda. Ne giketho chikena, kendo ne ok girito buchena, ma ka ng’ato orito, to yudo ngima. Ne giketho ndalo mag Sabatona, omiyo ne achano mondo atiekgi duto gi mirimba mager e thim kuno.

Mathayo 21:35

To jopur nomako jotichnego mi ogoyo achiel, to moro ginego, kendo machielo gigoyo gi kite.

Tich Joote 7:52

Bende nitie janabi moro mane kwereu ok osando? Ne ginego joote Nyasaye mane osehulo chon ni Ng’ama Kare biro biro. To koro un usendhogo Ng’ama Kareno, mi unego.

Rapar mar Chik 32:14

Ne gin gi cha adila gi cha rombe, kod nyirombe gi imbe mabeyo moloyo gi dhok moa Bashan, kod nyuogi, kaachiel gi ngano maber. Ne gimadho mana divai makwar maber.

Rapar mar Chik 32:15

Kamano dhood Jakobo nochiemo, moyieng’. Adier, joka Jeshurun nodoko machwe, mogwecho. Ee, nubedo machwe ahinya, nikech nuchiemo mang’eny. Ne giweyo Nyasaye ma nochweyogi, ka gicharo Lwanda ma noresogi.

Jong’ad Bura 10:6

Timbe jo-Israel nochako odoko maricho e nyim Ruoth Nyasaye. Ne gitiyo ni nyiseche manono kaka Baal gi Ashtaroth gi nyiseche mag jo-Aram gi mag jo-Sidon gi mag jo-Moab gi mag jo-Amon kod mag jo-Filistia. Ne giweyo Ruoth Nyasaye, mi ok gilame.