Nehemia 9:16 - MUMA MALER 2015

¹⁶ “To kwerewago ne jong’ayi, kendo tokgi ne tek, mi giketho chikni.

Motingʼo Loko Manyien

¹⁶ “To kwerewa, nobedo jongʼayi kendo joma tokgi tek, mine ok giluoro chikegi.

Nehemia 9:16 Iomraidhean Croise

2 Ruodhi 17:14

To kata kamano, ne gidagi weyo yorego, nikech ne wigi tek ka wi kweregi mane ok oyie kuom Ruoth Nyasaye ma Nyasachgi.

2 Weche mag Ndalo 29:6

Kwerewa noweyo Ruoth Nyasaye ma Nyasachwa kane gitimo timbe maricho e nyime. Ne giweye, mi gilokone ng’egi, kendo kata mana kar dakne, ne ok gidwar neno.

2 Weche mag Ndalo 30:8

Koro kik utim wichteko kaka kwereu notimo, to chiwreuru ni Ruoth Nyasaye, kendo udonj e Hekalu, ma Ruoth Nyasaye oseguedho mondo obed mare nyakachieng’. Tiuru ni Ruoth Nyasaye ma Nyasachu, mondo chunye olend kuom mirima mager ma en go kodu.

2 Weche mag Ndalo 36:13

Bende ruoth Nebukadnezar nosemiyo okuong’ore e nying Nyasaye ni nobed e bwo lochne, to kata kamano nopiem kode, motamore duogo kuom Ruoth Nyasaye ma Nyasach Israel.

Nehemia 9:10

Nitimo ranyisi gi honni misandogo Farao gi joge kod ji duto mane ni e pinye, nimar ning’eyo kaka ne gitiyo kwerewa gi achaye. Kamano nimiyo nyingi obedo gi huma mosiko nyaka chil kawuono.

Nehemia 9:29

Nikwerogi matek mondo gilokre kendo gimak chikeni, to ne gisungore, mi ok gidewo chikni. Ne giketho chikni, ma ka ng’ato orito, to yudo ngima. Ne gilokore giweyi ka tokgi tek ta, mi gitamore mako chikeni.

Zaburi 106:6

Wasetimo richo kaka kwerewa notimo. Adier, wasebedo joricho ma timbegi mono.

Zaburi 81:8

Un joga, winjuru siem masiemougo. Mano kaka agombo ni mondo uchikna itu un jo-Israel!

Wuok 15:26

Nowachonigi niya, “An Ruoth Nyasaye ma Nyasachu. Ka uwinjo wechena gi chunyu duto, mi utimo mana kaka adwaro, kendo kumako chikena gi buchena, to ok nasandu gi tuoche ma nakelo kuom jo-Misri, nimar an e Ruoth Nyasaye machangou.”

Wuok 32:9

Ruoth Nyasaye nomedo wacho ni Musa niya, “Aserango jogi, maneno ni gin joma wigi tek.

Ngeche 29:1

Ng’at ma wiye medo bedo matek, kata ka osekwere, nopo mana ka otur ma ok chomre.

Isaya 48:18

Dine bed ni uwinjo chikena, to hapu domol ka aora, kendo pok muyudo kuom timu makare dotiak ka pi nam.

Isaya 48:4

Ne ang’eyo ni wiu tek ta, ka rwath ma ng’ute opong’, kendo ma pat wang’e tek ka lwanda.

Isaya 63:10

To kata kamano, ne gidagi lochne, mi gimiyo Roho mare maler okuyo, eka ne olokore jasikgi, mi okedo kodgi en owuon.

Jeremia 19:15

“Ruoth Nyasaye Manyalo Gik Moko Duto ma Nyasach Israel owacho ni obiro kelo masiche duto mane osiemogo dalani kaachiel gi mier duto mokiewo kode, nikech un joma tokgi tek, motamore winjo wachne.”

Jeremia 2:31

“Chikuru itu maber uduto, mondo uwinj gima awachonu, un jo-Israel. Achalonu thim, koso achalonu piny ma masiche ng’enyie, ma ok unyal dak koda maberni? Ka ok kamano, to marang’o uwacho ni ubiro timo mana kaka uhero, kendo ni ok unyal duogo ira, to un joga?

Jeremia 7:26

To kata kamano ne ok gidewa, bende ne ok giwinja, to wigi nomedo doko matek moloyo kata mana wi kweregi.

Ezekiel 5:6

To jo-Jerusalem osepiem koda, moweyo buchena kod chikena moloyo ogendini mamoko duto, nimar gisedagi chikena, mi gitamore rito.

Tich Joote 7:51

“Mano kaka un joma wigi tek, ma chunygi bor gi Nyasaye, kendo modagi winjo wachne! Uchalo mana gi kwereu, nikech ndalo duto usegeng’o tich Roho Maler, mana kaka gin bende ne gitimo!

Jo-Rumi 2:5

To in wiyi tek, kendo itamori yie, omiyo ikano kum ni in iwuon ndalo mar mirima, tiende ni chieng’ ma Nyasaye noelie bura mare makare.

Rapar mar Chik 31:27

nimar ang’eyo ni un joma wigi tek ta. Usetamoru winjo Ruoth Nyasaye kata kapod angima ka an kodu. Koro kasetho to ubiro dage machal nadi?

Rapar mar Chik 32:15

Kamano dhood Jakobo nochiemo, moyieng’. Adier, joka Jeshurun nodoko machwe, mogwecho. Ee, nubedo machwe ahinya, nikech nuchiemo mang’eny. Ne giweyo Nyasaye ma nochweyogi, ka gicharo Lwanda ma noresogi.

Rapar mar Chik 5:29

Da ber ka gisiko gi chuny moluora kendo morito chikena duto, eka mondo gin gi nyikwagi gidag maber nyaka chieng’.

Rapar mar Chik 9:13

“Bang’ mano Ruoth Nyasaye nowachona niya, ‘Aserango jogi, ma ayudo ni gin joma tokgi tek.

Rapar mar Chik 9:27

Par jotichni ma Ibrahim gi Isaka kod Jakobo, kendo kik idew wich teko gi kethruok kod richo mag jogi,

Rapar mar Chik 9:6

Kuom mano koro ng’euru ni Ruoth Nyasaye ma Nyasachu ok miu piny momewni nikech timbeu mabeyo, nimar ka adier, to un joma tokgi tek.

Jo-Hibrania 3:13

To moloyo, jiwreuru ng’ato gi ng’ato kapod iluongo ndalo ni ‘Kawuono’, mondo kik richo gal ng’ato kuomu, mi bed gi chuny matek,

Jo-Hibrania 3:15

Muma wachonwa wan bende niya, “Winjuru dwond Nyasaye kawuono. Kik wiu dok matek kaka ne wi kwereu odoko matek kane ging’anyo ni Nyasaye.”