Nehemia 9:13 - MUMA MALER 2015

¹³ Nilor ewi got Sinai, kendo niwuoyo kodgi gie polo, kimiyogi chike makare kendo madiera kod buche mabeyo,

Motingʼo Loko Manyien

¹³ “Ne ilor e Got Sinai; mane iwuoyo kodgi gie polo. Ne imiyogi puonj kod chike makare kendo madiera kendo ne imiyogi puonj maber.

Nehemia 9:13 Iomraidhean Croise

2 Ruodhi 17:37

Kik ulam nyiseche mamoko, to rituru buchena gi chikena mane aketonu e ndiko.

Ezra 7:6

Ezrano ne japuonj chik, motiegore e chik Musa mane Ruoth Nyasaye ma Nyasach Israel omiyo joge. Ruoth Artaxerxes nomiye gik moko duto mane okwayo, nimar Ruoth Nyasaye ma Nyasache ne ni kode.

Zaburi 119:137

A Ruoth Nyasaye, mano kaka in jaadiera! Chikeni oriere tir, kendo gin adier.

Zaburi 119:160

Mise mar chikni en adiera, kendo chikeni makare duto osiko nyaka chieng’.

Zaburi 119:4

Isemiyowa chikeni, kendo iwachonwa ni onego waluwgi gi adiera.

Wuok 16:23

mi nodwokogi niya, “Ruoth Nyasaye osechiko kama: ‘Kiny en chieng’ yueyo ma en Sabato mowal ni Ruoth Nyasaye. Kuom chiemo musechokogo, unyalo bulo mago mudwaro bulo, kendo boko mago mudwaro boko. To modong’ mondo oket tenge, okan nyaka kiny.’ ”

Wuok 19:11

To orucha nyaka gibed moikore, nikech odiechieng’no ema an Ruoth Nyasaye, nalor ewi got Sinai, kama ji duto nonenae.

Wuok 20:1

Nyasaye nowuoyo kowacho wechegi:

Wuok 20:22

Ruoth Nysaye nowacho ni Musa niya, “Nyis jo-Israel kama: ‘Koro ung’eyo ni asewuoyo kodu gie polo.

Isaya 64:1

Mad ibar polo ilor piny, mondo imi gode oleny e nyimi,

Isaya 64:3

Kane itimo honni mane ok wagen ni wanane, ne ilor piny, mi gode oleny e nyimi.

Habakuk 3:3

Nyasaye biro koa Teman. Ee, Ng’ama Ler biro koa got Paran. Duong’ne maler opong’o kor polo kaachiel gi piny.

Jo-Rumi 7:16

To ka atimo gik ma ok adwar timo kamano to mano nyiso ni ayie ni Chik ber.

Rapar mar Chik 33:2

“Ruoth Nyasaye nobiro koa Sinai. Ne orienynigi gie Seir, kendo gie got Paran. Nobiro ka ji maler gana gi gana oruowo e bathe ma korachwich.

Rapar mar Chik 4:33

Bende nitie oganda moro mosewinjo dwond Nyasaye kawuoyo gie mach kaka usewinjo, to kendo pod ngima?

Rapar mar Chik 4:36

Ne oyienu winjo dwonde gie polo mondo opuonjugo, bende noyienu neno maye malich e piny, kendo nuwinjo wechene kawuok ei majno.

Rapar mar Chik 4:8

Onge oganda moro kata bed ni oduong’ manade, man gi chike kod buche makare machal gi Chik ma aseketo e nyimu tinendeni.

Rapar mar Chik 5:4

Ruoth Nyasaye noloso kodu wang’ gi wang’ gie mach, ewi godno.