Nehemia 9:12 - MUMA MALER 2015

¹² Godiechieng’ nitelonigi e siro mar bor polo, to gotieno nitelonigi gi siro mar mach mondo omenynigi yo ma giwuothoe.

Motingʼo Loko Manyien

¹² Godiechiengʼ ne itelonegi gi bor polo, to gotieno to ne itelonegi gi mach makakni mondo omigi ler e wangʼ yo kama ne giwuothoe.

Nehemia 9:12 Iomraidhean Croise

Nehemia 9:19

To kata kamano kuom ng’wononi maduong’ ne ok ijwang’ogi e thim. Siro ma bor polo nosiko ka telonigi godiechieng’, to gotieno siro mar mach nosiko ka menyonigi yo mane giwuothoe.

Zaburi 105:39

Nyasaye ne oyaro bor polo ka pasia mondo ogeng’go joge, bende ne omiyogi mach mamenyonigi gotieno.

Zaburi 107:7

Ne otelonigi e yo mochikore tir, nyaka ne gichopo e dala ma ginyalo dakie.

Zaburi 143:8

Nyisa herani mosiko gokinyi, nimar ageno kuomi, yaye Ruoth Nyasaye. Bende nyisa yo monego aluw, niikech kuomi ema aketoe chunya duto.

Zaburi 78:14

E kinde mag odiechieng’ ne otelonigi gi bor polo, to otieno duto ne otelonigi gi mach maliel.

Wuok 15:13

Kuom herani mosiko isetelo ni joma niwaro. Kuom tekoni maduong’ isetelonigi nyaka kar dakni maler.

Ezekiel 20:6

Mano e kinde mane asingorae ni abiro gologi e Misri mondo atergi e piny momew kendo maberie moloyo pinje mamoko duto, mane aseyieronigi.

Kwan 9:16

Kamano bor polo noime godiechieng’, to gotieno ne nitie ler machal gi mach.

Kwan 9:21

Bende ne nitie kinde moko mane bor polo bet ewi Hema Maler chakre odhiambo nyaka okinyi kende, to oa gokinyino, kendo jo-Israel dhi nyime gi wuoth. Kane bor polo oa ewi Hema Maler, to ne gichako mana wuoth, bed ni en otieno kata odiechieng’.

Rapar mar Chik 1:33

mane telo nyimu mondo ong’inu kuonde mane unyalo bworoe. Gotieno notelo nyimu kobet ei mach, mondo onyisu kuma onego uluw, to godiechieng’ notelonu kobet e bor polo.