Nehemia 9:1 - MUMA MALER 2015

¹ Chieng’ due piero ariyo gang’wen mar dueno jo-Israel nochokore ka riyo kech, kendo ka rwakore gi pien gugru, kendo ka gibuko wigi buru.

Motingʼo Loko Manyien

¹ E odiechiengʼ mar piero ariyo gangʼwen mar dweno, jo-Israel nochokore kanyakla, ka gitweyo chiemo kendo ka girwako pien gugru ka gibuko wiyegi gi buru.

Nehemia 9:1 Iomraidhean Croise

2 Samuel 1:2

Chieng’ mar adek ka Saulo osetho, ng’at moro nobiro moa e lweny koyiecho lepe, kendo obuko wiye buru. Kane ochopo ir Daudi, nokulore piny, komiye duong’.

2 Weche mag Ndalo 20:3

Luoro nomako Jehoshafat, moketo chunye ni kwayo Ruoth Nyasaye, kendo nochiko jo-Juda duto mondo otue chiemo.

2 Weche mag Ndalo 7:10

Due piero ariyo gadek due mar abiriyo Solomon nomiyo ji thuolo modok miechgi ka mor ahinya nikech gik mabeyo duto mane Ruoth Nyasaye osetimo ni Daudi gi Solomon, kendo ni joge Israel.

Ezra 8:21

Bang’ mano nagolo chik mondo wari kech e dho aora Ahava kanyo, ka wabolore e nyim Ruoth Nyasaye ma Nyasachwa, kendo wakwaye mondo oritwa gi nyithindwa kod giwa duto e wuodhwa.

Ezra 8:23

Kuom mano, ne wariyo kech, kendo wakwayo Nyasachwa mondo wawuoth maber, mi nowinjo kwayowa.

Nehemia 8:2

Omiyo chieng’ mokwongo mar due mar abiriyo, Ezra jadolo nokelo kitap chik e nyim oganda, ma noting’o chwo gi mon kod nyithindo duto mane oromo winjo tiend gik mane iwacho.

Ayub 2:12

Kane gikwongo nene, kapod gin mabor kode, ne ok ginyal ng’eye. To kane ging’eye, ne gichako ywak malit, mi giyiecho lepgi kendo gibuko wigi buru.

Isaya 22:12

Chieng’no Ruoth Nyasaye Manyalo Gik Moko Duto noluongu mondo uywagi kendo udengi, kendo mondo uliel wiu kendo urwak piende gugru.

Joel 2:12

Ruoth Nyasaye owacho niya, “To kata mana sani, lokreuru gi chunyu duto, mondo uduog ira kuriyo kech, kendo kuywak kendo kukuyo.

Tim jo-Lawi 23:34

mondo onyis jo-Israel bende ni, chakre due apar gabich mar due abiriyono, Sap Kiche mar Ruoth Nyasaye nobedie kuom ndalo abiriyo.

Tim jo-Lawi 23:39

“To chakre due apar gabich nogo, due mar abiriyo, bang’ keyo, nyaka utim sap Ruoth Nyasaye kuom ndalo abiriyo. Chieng’ mokwongo nobed chieng’ yueyo mowal, to chieng’ mar aboro bende kamano.

Joshua 7:6

Joshua gi jodong Israel noyiecho lepgi, kendo noolo buru e wigi. Ne giriere piny auma e nyim Sanduk mar Ruoth Nyasaye, mi giriyo kanyo nyaka odhiambo.

Fweny 11:3

To abiro miyo jonenona ariyo teko. Ginirwakre gi gunia, kendo ginihul wach moa kuom Nyasaye kuom ndalo alufu achiel gi mia ariyo kod piero auchiel.”

Jong’ad Bura 20:26

Eka jo-Israel duto nodok Bethel, mi gibet kuno e nyim Ruoth Nyasaye, ka gilemo kendo giriyo kech nyaka odhiambo. Ne gitimo ni Ruoth Nyasaye misengni miwang’o pep, kod misengni mag sawo.

1 Samuel 4:12

Ja-Benjamin moro noringo oa e lweny, mobiro Shilo chieng’onogo, koyiecho lepe, kendo obuko wiye buru.

1 Samuel 7:6

Mi ne gichokore kanyakla Mizpa. Ne giumbo pi, mi giolo piny e nyim Ruoth Nyasaye, kendo ne gitueyo chiemo chieng’no, ka giwacho niya, “Waseketho e nyim Ruoth Nyasaye.” (Mizpa ema ne Samuel ng’adoe buche mag jo-Israel.)