Nehemia 8:9 - MUMA MALER 2015

⁹ Kane ji duto owinjo weche mag chik, ne giywak. To Nehemia ma ruoth kod Ezra ma jadolo kendo japuonj chik kaachiel gi jo-Lawi mane puonjo ji, ne jowacho ni ji duto niya, “Kawuono en odiechieng’ mowal ni Ruoth Nyasaye ma Nyasachu, omiyo kik uku, kata kik uywagi.”

Motingʼo Loko Manyien

⁹ Bangʼe Nehemia ma jatelo, Ezra jadolo kendo japuonj chik, kod jo-Lawi mane puonjo ji nowachonegi duto niya, “Odiechiengni owal ne Jehova Nyasaye ma Nyasachu. Kik uywagi kendo kik ugo nduru.” Nimar ji duto nosebedo ka goyo nduru kane gichiko itgi ka giwinjo weche manie Chik.

Nehemia 8:9 Iomraidhean Croise

2 Ruodhi 22:11

Kane ruoth owinjo weche manie kitap chik, noyiecho lepe.

2 Ruodhi 22:19

‘Kane iwinjo wechena mane awacho kuom pinyni kod joma odakie, ni ginibed joma okuong’ kendo okwedi, chunyi ne yom, kendo odembore, miyiecho lepi kendo iywak e nyima. Emomiyo an bende asewinjo ywakni.

2 Weche mag Ndalo 15:3

Kuom higni mathoth Israel nobedo maonge gi jodolo ma puonjogi, kendo ma onge gi chik.

2 Weche mag Ndalo 30:22

Hezekia nopako jo-Lawi duto, nimar ne gitiyo ni Ruoth Nyasaye ma Nyasach kweregi.

2 Weche mag Ndalo 34:19

Kane ruoth owinjo weche mag chik, noyiecho lepe.

2 Weche mag Ndalo 34:21

“Dhiuru upenj Ruoth Nyasaye wach ma kuoma, gi man kuom jo-Isarel gi jo-Juda modong’, kor wach weche manie kitabu mwaseyudoni. Nyaka bed ni Ruoth Nyasaye okecho kodwa malich, nikech kwerewa ne ok orito wachne, kata timo gik moko duto mondiki e kitabunii, bende ne ok gitimo.”

2 Weche mag Ndalo 35:3

Eka nowuoyo gi jo-Lawi mane owal ni tich Ruoth Nyasaye, mane puonjo jo-Israel duto, kowachonigi niya, “Keturu Sanduk Maler e Hekalu mane Solomon wuod Daudi, ruodh Israel, ogero. Ok onego uting’e e goku kendo. Omiyo koro tiuru ni Ruoth Nyasaye ma Nyasachu, kendo ni joge Israel.

Ezra 2:63

Kendo ruoth nokwerogi ni kik gicham chiemo mowal ni jodolo, nyaka jadolo bedie manyalo penjo Ruoth Nyasaye wach gi ombulu miluongo ni Urim gi Thumim.

Ezra 7:11

Koro ma e barua mane ruoth Artaxerxes omiyo Ezra jadolo kendo japuonj chik, molony e chike kod buche mane Ruoth Nyasaye omiyo jo-Israel:

Nehemia 10:1

Joma noketo lwetgi ne gin Nehemia ma ruoth, ma wuod Hakalia, kod Zekaria,

Nehemia 12:26

Mano e kaka nochan tich e ndalo Joyakim wuod Jeshua, ma wuod Jozadak, kendo e ndalo Nehemia ma ruoth, kendo e ndalo Ezra ma jadolo kendo japuonj chik.

Nehemia 7:65

kendo ruoth nokwerogi ni kik gicham chiemo moyang’ ni jodolo ka pok jadolo obiro manyalo penjo Ruoth Nyasaye wach gi ombulu miluongo ni Urim gi Thumim.

Nehemia 7:70

Jodong dhoudi moko nogolo chiwo ni tich. Ruoth bende nogolo dhahabu moromo kilo mia achiel gi piero adek, gi tewni piero abich, kod lep dolo mia abich gi piero adek.

Nehemia 8:2

Omiyo chieng’ mokwongo mar due mar abiriyo, Ezra jadolo nokelo kitap chik e nyim oganda, ma noting’o chwo gi mon kod nyithindo duto mane oromo winjo tiend gik mane iwacho.

Eklesiastes 3:4

kinde mar kuyo, gi kinde mar mor, kinde mar ywak, gi kinde mar miel,

Isaya 61:3

Abiro hoyo chuny ji duto man gi lit, kendo gik ma abiro miyogi e magi: Maua mabeyo, kar buru ma gibukorego; kendo mor, kar lit ma gin go, kod pak, kar bedo gi chuny mool. Enoluonggi ni, yien mag tim makare, ma Ruoth Nyasaye opidho mondo oyudgo duong’.

Hosea 4:6

Un joga, osetieku, nikech ok uyie lochna. Jodolo mau osedagi yie kuoma, kendo gisetamore puonjna. Omiyo adagi ni un gi yawuotu ok ubed jodolona.”

Tim jo-Lawi 23:24

mondo onyis jo-Israel niya, “Due achiel mar due mar abiriyo nobednu chieng’ yueyo ma unugoe milome gi tung’ mondo obed chokruok maler.

Malaki 2:13

To bende uywak kendo udengo, ka ulwoko kendo-mar-misango mar Ruoth Nyasaye gi pi wang’u, nikech Ruoth Nyasaye odagi ng’iyo misengni muchiwone, kata yie kodgi ok oyie.

Jo-Rumi 3:20

Onge ng’ama nyalo bet e winjruok gi Nyasaye nikech osemako Chik, nimar tich Chik en mana miyo dhano ng’eyo ni oseketho.

Jo-Rumi 7:9

Chon ne ok ang’eyo wach Chik, to ne angima angima. To kane ang’eyo Chik, richo nodoko mangima, mi an to atho.

Rapar mar Chik 12:12

Beduru mamor e nyim Ruoth Nyasaye ma Nyasachu, un gi yawuotu gi nyiu kod wasumbu machwo gi mamon, kaachiel gi jo-Lawi modak e miechu, nikech jo-Lawi onge gi piny mopognigi kaka opognu.

Rapar mar Chik 12:7

Unuchiem kanyo e nyim Ruoth Nyasaye ma Nyasachu, kendo un gi jouteu unubed mamor, nikech Ruoth Nyasaye ma Nyasachu oseguedho gik moko duto mutimo.

Rapar mar Chik 16:11

Un kaachiel gi yawuotu kod nyiu, gi wasumbu machwo kod mamon, gi jo-Lawi modak e miechu gi jopinje mamoko gi nyithindo ma kiye kod mond liete modak kodu, nubed mamor e nyim Ruoth Nyasaye ma Nyasachu, kama obiro yiero mondo nyinge obedie.

Rapar mar Chik 26:14

Pok achamo gik mowalnigo e ndalo ma aywago ng’at motho, kata gologi e oda ka agak, kendo ok asechiwogi ni ng’at motho. A Ruoth Nyasaye asemako chikni, katimo gik moko duto midwaro.

Jakobo 4:9

Koro ma e kinde ma onego ubedie gi kuyo, kuywak kendo ugoyo nduru. Ber mondo nyiero munyierogo olokre ywak, kendo mor ma un-go olokre kuyo.