Nehemia 8:8 - MUMA MALER 2015

⁸ Ne gisomo kitap chik mar Nyasaye gi dwol machil, kendo ne gihulo tiend wechego ka gipuonjogo ji weche mane gisesomo.

Motingʼo Loko Manyien

⁸ Ne gisomo Kitabu mar Chik mar Nyasaye, ka gilero tiende kendo gichiwo tiend chik mondo ji owinj malongʼo gima isomo.

Nehemia 8:8 Iomraidhean Croise

2 Ruodhi 23:2

Nodhi e Od Ruoth Nyasaye gi jo-Juda kod jo-Jerusalem duto; joma omew gi jochan machalre, kaachiel gi jodolo kod jonabi, mi nosomonigi weche duto mane nie kitap singruok mane nie Od Ruoth Nyasaye.

Ezra 4:18

Barua ma nyocha uorona, osesomna maber,

Nehemia 8:12

Kuom mano ji duto nodhi mondo ochiem kendo omethi, kendo opog chiemo ni joma moko, kendo otim sawo gi mor maduong’, nikech ne gisewinjo gima opuonjgi.

Nehemia 8:7

Jeshua gi Bani gi Sherebia gi Jamin gi Akub gi Shabethai gi Hodia gi Maaseya gi Kelita gi Azaria gi Jozabad gi Hanan kod Pelaya ma jo-Lawi nohulo ni ji tiend chik, mana ka ji obet keregi.

Nehemia 8:9

Kane ji duto owinjo weche mag chik, ne giywak. To Nehemia ma ruoth kod Ezra ma jadolo kendo japuonj chik kaachiel gi jo-Lawi mane puonjo ji, ne jowacho ni ji duto niya, “Kawuono en odiechieng’ mowal ni Ruoth Nyasaye ma Nyasachu, omiyo kik uku, kata kik uywagi.”

Nehemia 9:3

Kane gichung’ kamano, kitap chik mar Ruoth Nyasaye ma Nyasachgi nosom kuom seche adek, eka ne gihulo richogi kendo gilamo Ruoth Nyasaye ma Nyasachgi kuom seche adek mamoko.

Ezekiel 46:10

Ruoth marito piny bende nyaka donji mana kaka ji mamoko donjo, kendo wuogi mana kaka giwuok.

Habakuk 2:2

Eka ne Ruoth Nyasaye odwoka kama: “Ndik wach mibiro yudo e fweny, kigoro maler e kite mopa, ma ng’ato nyalo somo mayot, mi ring nyis joma moko.

Luka 24:27

Bang’ mano, Yesu nonyisogi weche mane jonabi duto ondiko.

Luka 24:32

Bang’e ne giwacho e kindgi giwegi niya, “Donge ne chunywa mor, kowuoyo kodwa e yo, kendo konyisowa tiend weche mondiki e Muma?”

Luka 24:45

Eka nomiyogi rieko mar winjo tiend weche mondiki e Muma,

Tich Joote 28:23

Kuom mano ne giwinjore gi Paulo ni onego giduog chieng’ machielo, kendo chieng’no ne gibiro mang’eny kama odakie. Ne owuoyonigi chakre okinyi nyaka odhiambo, konyisogi malong’o wach Loch Nyasaye. Bende notemo lokogi mondo giyie kuon Yesu, kogolo weche e Chik Musa, kendo e kitepe mag Jonabi.