Nehemia 8:6 - MUMA MALER 2015

⁶ Ezra nopako Ruoth Nyasaye maduong’ mi ji duto noting’o badgi malo, kawacho ni, “Obed kamano! Obed kamano!” Giduto ne gimiyo Ruoth Nyasaye duong’, ka gigoyo chonggi piny kendo gikulore nyaka e lowo.

Motingʼo Loko Manyien

⁶ Ezra nopako Jehova Nyasaye, Nyasaye Maduongʼ, kendo ji duto notingʼo bedegi malo mi gidwoko niya, “Amin! Amin!” Bangʼe negipodho auma mi gilamo Jehova Nyasaye ka gikulo wiyegi piny.

Nehemia 8:6 Iomraidhean Croise

Chakruok 14:22

To Abram nodwoke niya, “Akuong’ora gi nying Ruoth Nyasaye, ma Nyasaye Maduong’ Moloyo, kendo ma Jachuech polo gi piny,

Chakruok 24:26

Kane ng’atno owinjo kamano, nogoyo chonge piny molamo Ruoth Nyasaye,

1 Weche mag Ndalo 16:36

Odend Ruoth Nyasaye ma Nyasach Israel higni gi higni. Eka ji duto nowacho niya, “Amin!” kendo ne gipako Ruoth Nyasaye.

1 Weche mag Ndalo 29:10

Daudi bende ne mor, kendo nopako Ruoth Nyasaye e nyim ogandano, kowacho niya, “A Ruoth Nyasaye ma Nyasach Israel, nyingi mondo obed gi duong’ ndalo duto nyaka chieng’.

1 Weche mag Ndalo 29:20

Eka Daudi nowacho ni ji duto niya, “Denduru Ruoth Nyasaye ma Nyasachu!” Mi oganda duto nopako Ruoth Nyasaye ma Nyasach kweregi, ka gigoyo chonggi piny, mi gikulore nyaka e lowo e nyim Ruoth Nyasaye, kendo e nyim Ruoth.

2 Weche mag Ndalo 20:18

Eka Jehoshafat nogoyo chonge piny, mokulo wiye nyaka e lowo, mi jo-Juda gi joma odak Jerusalem bende nogoyo chongi piny e nyim Ruoth Nyasaye ka gilame.

2 Weche mag Ndalo 29:10

Koro adwaro singora ni Ruoth Nyasaye ma Nyasach Israel ni wanamak chikne, mondo chunye olend kuom mirima mager ma en go kodwa.

2 Weche mag Ndalo 29:30

Bang’e ruoth Hezekia kod jodonge nochiko jo-Lawi mondo opak Ruoth Nyasaye gi wende mane Daudi kod Asaf janen ochwogo. Ne giwer gi mor, kendo ne gikulore ka gilamo Ruoth Nyasaye.

2 Weche mag Ndalo 6:4

Nowacho niya, “Apako Ruoth Nyasaye ma Nyasach Israel, mosechopo singruok mane otimo ni Daudi wuora, kowachone niya,

Nehemia 5:13

Bang’e nateng’o nangana, ka awachonigi niya, “Ng’ato ka ng’ato ma ok ochopo singruokni, to Nyasaye mondo oteng’ oko kuom joge kendo kuom mwandune, mana kaka aseteng’o nangana, modong’ nono.” Eka ji duto ma nochokore nowacho ni, “Obed kamano.” Mi ne gipako Ruoth Nyasaye. Bange ne gitimo kaka ne gisingore.

Nehemia 8:7

Jeshua gi Bani gi Sherebia gi Jamin gi Akub gi Shabethai gi Hodia gi Maaseya gi Kelita gi Azaria gi Jozabad gi Hanan kod Pelaya ma jo-Lawi nohulo ni ji tiend chik, mana ka ji obet keregi.

Zaburi 134:2

Ting’uru bedeu malo, ka uchomo Kama Ler, kendo pakuru Ruoth Nyasaye.

Zaburi 141:2

Lemona mondo obedni ka ubani miwang’o e nyimi, kendo bedena mating’o malo mondo obedni ka misango mar odhiambo.

Zaburi 28:2

Winja ka aywakni mondo ikonya, kating’o bedena malo, kochomo Hekalu mari maler.

Zaburi 41:13

Wapakuru Ruoth Nyasaye, ma Nyasach Israel. Ee, pakeuru sani, kendo nyaka chieng’! Amin! Amin!

Zaburi 63:4

Abiro goyoni erokamano e kinde duto mag ngimana, kendo analami, kating’o bedena malo.

Zaburi 95:3

nikech Ruoth Nyasaye en Nyasaye maduong’. En e ruoth maduong’ie moloyo nyiseche duto.

Wuok 12:27

to unudwokgi ni, ‘En misango mar Pasaka mitimo ni Ruoth Nyasaye nikech nokadho ut jo-Israel e piny Misri konego jo-Misri, to oweyo miechwa.’ ” Kane Musa otieko wuoyo, jo-Israel nogoyo chonggi piny molemo.

Wuok 4:31

mi ne giyie ni kara Ruoth Nyasaye oseoro Musa adier. Bende kane giwinjo ni Ruoth Nyasaye oselimo jo-Israel, moneno chandruokgi, ne gikulore, mi gilame.

Jeremia 28:6

kowacho niya, “Mad Ruoth Nyasaye tim kamano! Dang’ bed maber ka omiyo wecheni duto otimore, mi oduogo gik lemo duto mane oter Babulon, kaachiel gi joma ne odar mi oter kuno e tuech!

Ywagruok 3:41

Kwasudo ir Ruoth Nyasaye, to ber wasud ire gi chunywa, to ok kwating’o mana bedewa malo kende.

Tim jo-Lawi 9:24

Mach nomwuoch e nyim Ruoth Nyasaye, mowang’o misango miwang’o pep, kaachiel gi boche mane nie kendo-mar-misango. Kane ji duto oneno kamano, ne gikok, mi gipodho piny auma.

Mathayo 26:39

Eka nochwalore nyime matin, mopodho piny auma, kolemo niya, “A Wuora, kanyalore to kikombe mar masira ni mondo okadha; to kik obed kaka an ema adwaro to mana kaka in ema idwaro.”

Mathayo 6:13

Kik iwe wadonj e tem, to reswa e richo, [ nimar loch gi teko kod duong’ gin magi nyaka chieng’. Amin.]

1 Jo-Korintho 14:16

Ka igoyo ni Nyasaye erokamano mana gi chunyi, ka idhum gi Roho, to ere kaka ng’ato ang’ata mobet e chokruokno diwach ni, ‘Amin’, bang’ erokamano migoyono, ka ok ong’eyo tiend gima iwacho?

Jo-Efeso 1:3

Wagouru erokamano ni Nyasaye ma wuon Ruodhwa Yesu Kristo, nimar oseguedhowa, wan ma wan kuom Kristo, komiyowa mich duto mag Roho moa e polo.

1 Timotheo 2:8

Emomiyo adwaro ni mondo kamoro amora ma ji ochokoree e lemo, to chwo ema mondo olem. To nyaka gibed joma ler, manyalo ting’o luetgi malo kaonge gi mirima kata mbaka moro e chunygi.

1 Petro 1:3

Duong’ obed ni Nyasaye Wuon Ruodhwa Yesu Kristo. Kuom ng’wonone maduong’ nonywolowa gi nywol manyien kuom chiero Yesu oa kuom joma otho. Mano miyo wabedo gi geno mangima.

Fweny 7:11

Eka malaika duto nochung’ koluoro kom duong’ gi jodongo kod gik mangima ang’wen-go, mi okulore piny nyaka e lowo e nyim kom duong’, mi gilamo Nyasaye,