Nehemia 8:3 - MUMA MALER 2015

³ Nosomo kitabuno chakre okinyi mang’ich nyaka odiechieng’ tir, kochung’ momanyore gi laru man e nyim Ranga Pi, e nyim chwo gi mon kod nyithindo mane oromo winjo tiend gik mane iwacho. Ji duto nochiko itgi maber mondo owinj kitap chik.

Motingʼo Loko Manyien

³ Nosomo chikego matek ayanga chakre okinyi nyaka odiechiengʼ tir e nyim chwo, mon kod joma moko mane nyalo winjo tiend chikego kochungʼ momanyore gi laru mar ka miluongo ni Dhoranga Pi. Kendo ji duto nochiko itgi malongʼo ne gik mondikie Kitabu mar Chik.

Nehemia 8:3 Iomraidhean Croise

Nehemia 10:29

Ne gikuong’ore giduto kendo gichamo muma, ni ginirit chike Nyasaye mane Musa jatich Nyasaye omiyogi, kendo ni ginimak kendo ginichop chike Ruoth Nyasaye ma Nyasachgi duto.

Nehemia 13:1

Chieng’no kane osom kitap Musa e nyim ji, noyud kondik ni ja-Amon kata ja-Moab ok onego donji e chokruok mar jo-Nyasaye nyaka chieng’,

Nehemia 8:1

Kane due mar abiriyo ochopo, kendo jo-Israel koro odak e miechgi, ji duto nochokore gi chuny achiel e laru manie nyim Rangach miluongo ni Ranga Pi. Ne gikawo Ezra ma japuonj chik mondo okel kitap chik Musa mane Ruoth Nyasaye osechiko jo-Israel mondo oriti.

Nehemia 8:18

Odiechieng kodiechieng’ chakre chieng’ mokwongo nyaka chieng’ mogik, nisomo kitap chik mar Nyasaye. Ne gitimo nyasi kuom ndalo abiriyo, to chieng’ mar aboro ne giloso sawo mogik, kaka chik dwaro.

Nehemia 8:4

Ezra japuonj chik nochung’ ewi ndiri mar bao molos ni somo chik, ka Matithia gi Shema gi Anaya gi Uria gi Hilkia kod Maaseya ochung’ e bathe ma korachwich, to Pedaya gi Mishael gi Malkia gi Hashum gi Hashbadana gi Zekaria kod Meshulam to ne jochung’ e bathe ma koracham.

Nehemia 8:5

Ezra noelo kitabu, ka ji duto neno, nimar nochung’ kama oting’ore. Kane oele kamano, ji duto nochung’.

Mariko 12:37

Ka Daudi owuon noluongo Mesia ni ‘Ruoth’, to koro ere kaka Mesia dibed nyakwar Daudi?” Oganda maduong’ mane ni kanyo nowinjo weche Yesu gi mor.

Luka 19:48

To ne ok ginyal yudo yo mar timo kamano, nikech ji duto nosiko kawinjo puonjne, ka ok gidwar ni mondo kata mana wach achiel okadh mak owinjo.

Luka 8:18

Emomiyo chikuru itu maber mondo uwinj gima iwachonu, nimar ng’at man-go ema nomedi, to ng’at maongego, noma kata mana mano matin moparo ni en-go!”

Tich Joote 13:15

Kane osesom weche moko moa e Chik Musa, kod mag Jonabi, jodong od lemo nokowonigi wach ni, “Owetewa, ka un gi wach moro madujiwgo ji, to wachuru.”

Tich Joote 13:27

nikech joma odak Jerusalem kod jodonggi ne ok ong’eyo ni Yesu e Jawar, bende ne ok giwinjo tiend weche jonabi misomo pile chieng’ Sabato ka Sabato. To kata kamano ka ne ginege, to ne gimiyo gima ne jonabi okoro otimore.

Tich Joote 15:21

Mano oromo, nikech nyaka nene osesom Chik Musa kuom ndalo mathoth e ut lemo, chieng’ Sabato ka chieng’ Sabato, kendo wachne ilando e mier duto.”

Tich Joote 16:14

Achiel kuom joma ne winjowa ne dhako moro moa Thuatira, ma nyinge Ludia. Ne en dhako moluoro Nyasaye, kendo ne en johand nengni makwar ma nengogi tek. Ruoth noyawo chunye mondo owinj weche mane Paulo wacho.

Tich Joote 17:11

Jo-Yahudi mane odak kuno ne nigi chuny mathuolo moloyo mago mane odak Thesalonika. Ne gichiko itgi mi giwinjo wach gi chuny moyangore chuth, kendo ne gisomo Muma pile mondo gine ane ka weche Paulo gin adier.

Tich Joote 20:11

Eka ne odok malo, mi opogonigi Sap Ruoth, kendo kane osechiemo nomedo wuoyo kodgi aming’a nyaka piny oru eka oa.

Tich Joote 20:7

Chieng’ mokwongo bang’ Sabato, tiende ni chieng’ Ngeso godhiambo, ne wachokore mondo wacham Sap Ruoth. To kaka Paulo ne ikore ni kinyne oa, nopuonjo nyaka dier odiewuor.

Tich Joote 28:23

Kuom mano ne giwinjore gi Paulo ni onego giduog chieng’ machielo, kendo chieng’no ne gibiro mang’eny kama odakie. Ne owuoyonigi chakre okinyi nyaka odhiambo, konyisogi malong’o wach Loch Nyasaye. Bende notemo lokogi mondo giyie kuon Yesu, kogolo weche e Chik Musa, kendo e kitepe mag Jonabi.

Rapar mar Chik 31:9

Musa nondiko chikno momiyo jodolo ma jo-Lawi mane ting’o Sandug Muma mar Ruoth Nyasaye, kod jodong Israel duto.

1 Jo-Thesalonika 2:13

To bende wagoyo erokamano pile, nikech kane uyudo Wach Nyasaye mane wakelonu, to ne ok urwake mana ka wach dhano, to ne urwake ka Wach Nyasaye adier, matiyo e chunyu un joma oyie.

Joshua 8:35

Ne ok oweyo kata wach achiel kuom weche mane Musa osechiko, to nosomogi duto gi dwol maduong’ ni jo-Israel duto, machwo gi mamon gi joma tindo, kod joma nobiro kodgi.

Fweny 2:29

Ng’at man gi it to mondo owinj gima Roho wacho ni kanyakla mag jo-Kristo.’

Fweny 3:22

Ng’at man gi it to mondo owinj gima Roho wacho ni kanyakla mag jo-Kristo!’ ”