Nehemia 8:2 - MUMA MALER 2015

² Omiyo chieng’ mokwongo mar due mar abiriyo, Ezra jadolo nokelo kitap chik e nyim oganda, ma noting’o chwo gi mon kod nyithindo duto mane oromo winjo tiend gik mane iwacho.

Motingʼo Loko Manyien

² Omiyo e odiechiengʼ mokwongo mar dwe mar abiriyo, Ezra jadolo nokelo chik e nyim kanyakla mar ji, mane otingʼo chwo kod mon kod jogo duto mane nyalo winjo tiend chike.

Nehemia 8:2 Iomraidhean Croise

Nehemia 10:29

Ne gikuong’ore giduto kendo gichamo muma, ni ginirit chike Nyasaye mane Musa jatich Nyasaye omiyogi, kendo ni ginimak kendo ginichop chike Ruoth Nyasaye ma Nyasachgi duto.

Nehemia 13:1

Chieng’no kane osom kitap Musa e nyim ji, noyud kondik ni ja-Amon kata ja-Moab ok onego donji e chokruok mar jo-Nyasaye nyaka chieng’,

Nehemia 8:18

Odiechieng kodiechieng’ chakre chieng’ mokwongo nyaka chieng’ mogik, nisomo kitap chik mar Nyasaye. Ne gitimo nyasi kuom ndalo abiriyo, to chieng’ mar aboro ne giloso sawo mogik, kaka chik dwaro.

Nehemia 8:9

Kane ji duto owinjo weche mag chik, ne giywak. To Nehemia ma ruoth kod Ezra ma jadolo kendo japuonj chik kaachiel gi jo-Lawi mane puonjo ji, ne jowacho ni ji duto niya, “Kawuono en odiechieng’ mowal ni Ruoth Nyasaye ma Nyasachu, omiyo kik uku, kata kik uywagi.”

Nehemia 9:1

Chieng’ due piero ariyo gang’wen mar dueno jo-Israel nochokore ka riyo kech, kendo ka rwakore gi pien gugru, kendo ka gibuko wigi buru.

Isaya 28:9

Giwacho niya, “Koro ere ng’ama Janabi paro ni biro puonjo? Koso ere joma biro winjo tiend gima opuonjo? Mit koparo ni wan nyithindo ma tinde eka oweyo dhoth?

Tim jo-Lawi 23:24

mondo onyis jo-Israel niya, “Due achiel mar due mar abiriyo nobednu chieng’ yueyo ma unugoe milome gi tung’ mondo obed chokruok maler.

Malaki 2:7

En tich jodolo mondo opuonj ji wach mar adiera mar Nyasaye, kendo ji onego odhi irgi mondo opuonjre chik Nyasaye, nikech gin jootena, An Ruoth Nyasaye Manyalo Gik Moko Duto.

Kwan 29:1

“Due achiel due mar abiriyo, nyaka ubed gi chokruok mar lemo, kendo ok unuti tijeu mapile. Mano en chieng’ mor mugoyoe tung.’

Tich Joote 15:21

Mano oromo, nikech nyaka nene osesom Chik Musa kuom ndalo mathoth e ut lemo, chieng’ Sabato ka chieng’ Sabato, kendo wachne ilando e mier duto.”

Rapar mar Chik 17:18

Kosekete ruoth, to nyaka ondik weche duto mag chik, kogologi e kitap chik ma jadolo ma jo-Lawi nigo.

Joshua 8:35

Ne ok oweyo kata wach achiel kuom weche mane Musa osechiko, to nosomogi duto gi dwol maduong’ ni jo-Israel duto, machwo gi mamon gi joma tindo, kod joma nobiro kodgi.