Nehemia 8:18 - MUMA MALER 2015

¹⁸ Odiechieng kodiechieng’ chakre chieng’ mokwongo nyaka chieng’ mogik, nisomo kitap chik mar Nyasaye. Ne gitimo nyasi kuom ndalo abiriyo, to chieng’ mar aboro ne giloso sawo mogik, kaka chik dwaro.

Motingʼo Loko Manyien

¹⁸ Odiechiengʼ ka odiechiengʼ, chakre odiechiengʼ mokwongo nyaka mogik, Ezra ne somo Kitap Chik mar Nyasaye. Negitimo nyasini kuom ndalo abiriyo, to chiengʼ mar aboro, kaluwore gi chik, ne nitiere chokruok mar kanyakla.

Nehemia 8:18 Iomraidhean Croise

Nehemia 8:2

Omiyo chieng’ mokwongo mar due mar abiriyo, Ezra jadolo nokelo kitap chik e nyim oganda, ma noting’o chwo gi mon kod nyithindo duto mane oromo winjo tiend gik mane iwacho.

Nehemia 8:3

Nosomo kitabuno chakre okinyi mang’ich nyaka odiechieng’ tir, kochung’ momanyore gi laru man e nyim Ranga Pi, e nyim chwo gi mon kod nyithindo mane oromo winjo tiend gik mane iwacho. Ji duto nochiko itgi maber mondo owinj kitap chik.

Tim jo-Lawi 23:36

Kuom ndalo abiriyogo nyaka uchiw ni Ruoth Nyasaye misengni miwang’o, to chieng’ mar aboro chokruok maler nobedie. Chieng’no bende unuchiw ni Ruoth Nyasaye misango miwang’o. En chokruok mitiekogo nyasi, omiyo kik uti tijeu mapile.

Tim jo-Lawi 23:41

Nyaka utim sawoni ni Ruoth Nyasaye kuom ndalo abiriyo higa ka higa. En chik momakou gi nyikwau nyaka chieng’. E due mar abiriyo nyaka utimie sawoni.

Kwan 29:35

“Chieng’ mar aboro unutim nyasi mitiekogo chokruok, kendo ok unuti tijeu mapile.

Johana 7:37

Chieng’ mogik mar sawo, mane en odiechieng’ maduong’ ahinya, Yesu nochung’ mowacho gi dwol maduong’ niya, “Ng’at ma riyo oloyo mondo obi ira, omodhi.