Nehemia 8:15 - MUMA MALER 2015

¹⁵ kendo ni mondo giland wach e miechgi duto kendo e Jerusalem ni ji odhi kuonde moting’ore odwar bede zeituni mopidhi kod mago ma ok opidhi gi mag othidhe kod mag yien moko motimo oboke, mondo olosgo kiche kaka chik dwaro.

Motingʼo Loko Manyien

¹⁵ kendo ni nyaka giyal wachni mi gilande e miechgi matindo kod e Jerusalem niya, “Wuoguru udhi e pinje mag gode kendo ukel bede moaye yadh zeituni kod yiende mag bungu mag zeituni, kendo koa e yiend madat, kor yiend othith kod yiende man-gi tipo, mondo losgo kambi,” mana kaka ondiki.

Nehemia 8:15 Iomraidhean Croise

Chakruok 8:11

Kane akuru oduogo godhiambo, noting’o pot zeituni e dhoge. Mano nonyiso Nowa ni kare pi osemedo dok chien.

Tim jo-Lawi 23:4

“Sewni ma Ruoth Nyasaye oketo e magi: Gin chokruok maler ma ka kindegi ochopo to nyaka ugo milome maggi.

Tim jo-Lawi 23:40

Chieng’ mokwongono unukaw olembe mag yien mabeyo gi bede othidhe kod bede yien motimo otie, kaachiel gi bede yien matwi e tiend aore, mi unubed mamor e nyim Ruoth Nyasaye ma Nyasachu kuom ndalo abiriyo.

Zekaria 1:8

Nende aneno fweny gotieno ni ng’ato oidho faras masilwal, kochung’ e kind yien e holo moro. To kadieng’eye ne nitie farese ma silwende gi marabuore kod marachere.

Mathayo 21:1

Kane gichopo Bethfage e got Zeituni, man machiegni gi Jerusalem, Yesu nooro jopuonjrene ariyo nyime, kowachonigi niya,

Johana 12:13

Ne gijako bede othidhe, mi gidhi romone, ka gikok niya, “Opak Nyasaye! Oguedh ng’ama biro e nying Ruoth! Adier Nyasaye mondo ogwedh Ruodh Israel!”

Rapar mar Chik 16:16

“Jou machwo duto nyaka bi e nyim Ruoth Nyasaye didek e higa ka higa, mondo otim sewni adekgo kama Ruoth Nyasaye biro yiero. Gin Sap Makati ma ok ketie Thowi, gi Sap Jumbe, kod Sap Kiche. Onge ng’at ma nobi e nyim Nyasaye gi lwete nono.

Fweny 7:9

Bang’ mano, ne ang’icho mi aneno ji mang’eny mokadho akwana moa e pinje duto gi dhoudi duto kod ogendini duto. Ne gichung’ e nyim kom duong’, kendo e nyim Nyarombo, ka girwakore gi lewni marachere, kendo giting’o othidhe e lwetgi.