Nehemia 8:12 - MUMA MALER 2015

¹² Kuom mano ji duto nodhi mondo ochiem kendo omethi, kendo opog chiemo ni joma moko, kendo otim sawo gi mor maduong’, nikech ne gisewinjo gima opuonjgi.

Motingʼo Loko Manyien

¹² Bangʼe ji duto nodhi mondo gichiem kendo gimethi, gior bath chiemo kendo gitim nyasi gi ilo maduongʼ, nikech koro ne gisengʼeyo tiend weche mane osomnegi.

Nehemia 8:12 Iomraidhean Croise

1 Weche mag Ndalo 29:22

Chieng’no ne gichiemo kendo gimetho e nyim Ruoth Nyasaye gi mor maduong’. Bang’e ne gichako giketo Solomon wuod Daudi e kom ruoth, kendo ne giwire gi mo mondo obed jatendgi ma Ruoth Nyasaye oyiero. To Zadok bende ne owir mondo obed jadolo.

Nehemia 8:10

Eka Ezra nowachonigi niya, “Koro unyalo dhi mondo ucham chiemo mabeyo kod gik mamit mimadho, bende upognie joma odhier ma onge gimoro, nikech odiechieng’ni owal ni Ruoth Nyasaye. Kik uku nikech mor ma Ruoth Nyasaye miyou ema kelonu teko.”

Nehemia 8:11

Jo-Lawi bende nokweyo ji kawachonigi niya, “Ling’uru, nikech odiechieng’ni en chieng’ maler. Kik ubed gi kuyo.”

Nehemia 8:13

Chieng’ mar ariyo jodong dhoudi duto, kaachiel gi jodolo kod jo-Lawi, nochokore e nyim Ezra japuonj chik, mondo opuonjre chik.

Ayub 23:12

Pile atimo mana gima Nyasaye ochiko. Adier, aluwo mana dwarone, to ok gik ma an ema adwaro.

Zaburi 119:111

Chikeni gin mwanduna mosiko, kendo gin ema gimiyo chunya mor.

Zaburi 119:127

Ahero chikeni moloyo dhahabu malerie moloyo.

Zaburi 119:130

Tiend wachni koel, to kelo ler, kendo omiyo weche donjo kata ni ng’ama riekone tin.

Zaburi 119:14

Chikeni miya mor, moloyo mor ma mwandu mang’eny miya.

Zaburi 119:16

Amor ahinya gi chikeni, kendo wiya ok nowil gi wachni.

Zaburi 119:171

Pile anapaki, nikech ipuonja chikeni.

Zaburi 119:174

Mano kaka adwaro resruok moa kuomi! Chikeni ema miya mor, A Ruoth Nyasaye.

Zaburi 119:72

Chik mawuok e dhogi berna. Moloyo fedha gi dhahabu mogundho.

Zaburi 119:97

Mano kaka ahero chikni! Apare odiechieng’ duto.

Jeremia 15:16

Ne iwuoyo koda, mi awinjo wecheni duto. A Ruoth Nyasaye Manyalo Gik Moko Duto, an ng’ati, omiyo wecheni opong’o chunya gi mor kod ilo.

Luka 24:32

Bang’e ne giwacho e kindgi giwegi niya, “Donge ne chunywa mor, kowuoyo kodwa e yo, kendo konyisowa tiend weche mondiki e Muma?”

Jo-Rumi 7:18

Ang’eyo ni an kaka dhano, onge gima ber man kuoma, nikech kata obedo ni adwaro timo gima ber, to ok anyal.

Fweny 11:10

Ji duto modak e piny nogo siboi kuom thogi, kendo ginimire chiwo, nikech jonabi ariyogo nosebedo kasando joma odak e piny.