Nehemia 8:10 - MUMA MALER 2015

¹⁰ Eka Ezra nowachonigi niya, “Koro unyalo dhi mondo ucham chiemo mabeyo kod gik mamit mimadho, bende upognie joma odhier ma onge gimoro, nikech odiechieng’ni owal ni Ruoth Nyasaye. Kik uku nikech mor ma Ruoth Nyasaye miyou ema kelonu teko.”

Motingʼo Loko Manyien

¹⁰ Nehemia nowacho niya, “Dhiuru kendo ubed moil ka uchamo chiemo moyier kod math mamit, bangʼe uor moko ne joma onge gi gima gichamo. Odiechiengni owalne Ruodhwa. Kik ubed gi kuyo, nikech mor mar Jehova Nyasaye e tekou.”

Nehemia 8:10 Iomraidhean Croise

1 Ruodhi 8:66

To chieng’ mar aboro nomiyogi thuolo, mi gidok miechgi ka gidendo ruoth. Ne gimor kendo giil, nikech gik mabeyo duto mane Ruoth Nyasaye osetimo ni Daudi jatichne, kendo ni joge Israel.

1 Weche mag Ndalo 16:27

Duong’ maler gi duong’ mar loch okete diere, kendo teko gi ber duto ni kar dakne.

Nehemia 8:11

Jo-Lawi bende nokweyo ji kawachonigi niya, “Ling’uru, nikech odiechieng’ni en chieng’ maler. Kik ubed gi kuyo.”

Nehemia 8:12

Kuom mano ji duto nodhi mondo ochiem kendo omethi, kendo opog chiemo ni joma moko, kendo otim sawo gi mor maduong’, nikech ne gisewinjo gima opuonjgi.

Zaburi 149:2

A Israel, bed mamor nikech jachuechni. Ee, beduru gi ilo, un jo-Sayun, nikech Ruodhu.

Zaburi 89:17

Imiyowa loch madongo. Ee, ng’wononi ema omiyo walocho,

Ngeche 17:22

Chuny mamor kelo ngima maber, to chuny mool kelo tuo.

Eklesiastes 11:2

Adier, pog apoga gigi ni ji mang’eny, nikech ikia gima kiny notimre kiny.

Eklesiastes 2:24

Kuom mano, onge gima ber ma dhano nyalo timo, mak mana chiemo gi metho kod chamo mwandu moseyudo. To kata mana mano bende ne afwenyo ni wuok mana kuom Nyasaye,

Eklesiastes 3:13

Wan waduto onego wachiem kendo wamethi kendo wabed mamor, ka wachamo mwandu ma waseyudo. Mano en gima Nyasaye ema chiwo.

Eklesiastes 5:18

Kuom mano, asefwenyo ni gima ber ma dhano nyalo timo en mana chiemo gi metho kod chamo mwandu moseyudo kuom kinde matin ma Nyasaye omiye mondo odaggo e piny ka. Mano e gima Nyasaye oseketo ni dhano.

Eklesiastes 9:7

Emomiyo cham achama chiembi mondo ibed mamor, kendo madh amadha kongi mondo iwinj maber, nikech Nyasaye oseyie gi gik moko mitimo.

Wer Mamit 5:1

“Asebiro e puotha, yaye chiega ma jaherana. Achoko gik mang’ue ng’ar. Bende achamo mor kichna, kendo amadho divacha kod chaga.” “Ee, chiem, kendo meth ametha, nyaka chop hera meri.”

Isaya 49:5

Koro Ruoth Nyasaye mane ochueya ei mama mondo abed jatichne kendo adwok jo-Israel ma nyikwa Jakobo ire, wacho niya,

Isaya 61:10

Wabeduru mamor kuom Ruoth Nyasaye gi tekowa duto. Adier wabed moil kuom Nyasachwa, nimar oserwakowa gi warruok mana ka ng’ama orwako nanga, bende oboyowa gi tim makare ma ka ng’ama obo gi law, kendo mana ka wuon kisera magawo maua e ng’ute, kata ka miaha morwako thiwni mabeyo.

Joel 2:23

Beduru mamor un jo-Sayun, beduru mail kuom gima Ruoth Nyasaye ma Nyasachu osetimonu. Omiyou koth maber moromo cham, adier, omiyou kodh chwiri gi kodh opon, kaka chon.

Zekaria 14:21

Agulni duto manie Jerusalem kod Juda nobed mowal ni tich Ruoth Nyasaye, kendo ji duto matimo misengni nokaw moko mondo ochwakie ring misango. Kamano ka kindeno ochopo, to onge johala moro amora ma nochak oyud e Hekalu mar Ruoth Nyasaye Manyalo Gik Moko Duto.

Luka 11:41

To chiwuru ni joma odhier gik ma un-go, eka gik moko duto nobednu maler.

2 Jo-Korintho 8:2

Ne gineno masiche malich kitemogigo, to kata kamano ne gin gi mor mogundho, omiyo kata ne gidhier ahinya, to ne gigolo chiwo maonge migundia.

Jo-Filipi 3:4

To kata ka da bed ni en wach mar keto geno kuom tim ringruok to an onge gima da aluoro. Chutho, ka en mana wach keto geno kuom ringruok, to onge ng’ama diloya!

Fweny 11:10

Ji duto modak e piny nogo siboi kuom thogi, kendo ginimire chiwo, nikech jonabi ariyogo nosebedo kasando joma odak e piny.

1 Samuel 25:8

Penj jogi, to gibiro nyisi kamano. Emomiyo rwak jogagi mang’won, nikech wabiro e ndalo maber. Akwayi ni mondo imi Daudi wuodi kod joge gimoro amora ma in go.’ ”