Nehemia 7:63 - MUMA MALER 2015

⁶³ Jodolo moko bende ne ok ong’e anywolagi. Ne gin joka Hobaya gi joka Hakoz gi joma luongore ni joka Barzilai, nikech kwargi nokendo nyar Barzilai ja-Gilead, mokawo nying jaduong’neno.

Motingʼo Loko Manyien

⁶³ Mago mane oa kuom jodolo ne gin: nyikwa Hobaya, Hakoz kod Barzilai (ngʼatno mane okendo nyar Barzilai ma ja-Gilead to kendo ne iluonge gi nyingno).

Nehemia 7:63 Iomraidhean Croise

2 Samuel 17:27

Kane Daudi ochopo Mahanaim, Shobi wuod Nahash, ja-Amon ma Raba, gi Makir wuod Amiel ja-Lodebar, kod Barzilai ja-Gilead ma Rogelim, ne jobiro ire.

1 Ruodhi 2:7

To tim maber ni jood Barzilai ja-Gilead, kendo ikonygi, nikech ne girwaka gi ng’wono kane aringo Absalom owadu.

1 Weche mag Ndalo 4:8

Koz nonywolo Adub gi Zobeba kod joka Aharhel wuod Harun.

Nehemia 3:4

Meremoth wuod Uria ma wuod Hakoz nogero migape e dirgi. Ng’at mane ogedo e dir jo-Meremoth ne en Meshulam wuod Berekia ma wuod Meshezabel. Zadok wuod Baana ema nogedo e dir Meshulam,

Nehemia 7:62

joka Delaya gi joka Tobia gi joka Nekoda duto ji mia auchiel gi piero ang’wen gariyo.

Nehemia 7:64

Jogo nomanyo nyingegi e kitepe ma nondikie nying anywola, to ne ok giyudo, omiyo nokwan-gi ka joma pok owinjore tiyo tich dolo,