Nehemia 6:9 - MUMA MALER 2015

⁹ Giduto ne gidwaro bwogowa, ka giparo ni wabiro nyosore, kendo tichwa ok bi rumo. To namedo keto tekra duto e tich.

Motingʼo Loko Manyien

⁹ Ne gitemo mana mar bwogowa, kagiwacho niya, “Lwetgi biro bedo mayom yom, kendo ok gibi tieko tijni.” To ne alemo niya, “Yie imi lweta obed gi teko koro.”

Nehemia 6:9 Iomraidhean Croise

2 Weche mag Ndalo 15:7

To un, timuru chir! Lwetu kik jony, nimar nochulu kuom tichu.”

2 Weche mag Ndalo 32:18

Jootego nowacho kamano ni jo-Jerusalem mane ni ewi ohinga, ka gikok gi duol maduong’ gi dho jo-Juda mondo obwoggi kendo omigi luoro, eka mondo gikaw dalano.

Ezra 1:6

Mi jogweng’gi duto nokonyogi gi fedha gi dhahabu gi jamni gi gik mamoko, kod gik ma nengogi tek, kaachiel gi gik mane ng’ato ka ng’ato ochiwo kuom herone.

Nehemia 6:14

A Nyasacha, par gima Tobia gi Sanbalat josetimo, kendo par kaka Noadia janabi madhako kod jonabi mamoko josetemo bwoga.

Zaburi 138:3

Kane aluongi, to ne idwoka, kendo ne itega gi tekoni.

Zaburi 56:3

A Nyasaye Maduong’ Moloyo, ka luoro omaka, to aketo genona kuomi.

Zaburi 68:35

Mano kaka Nyasach Israel lich e Hekalu mare! Ochiwo teko gi loch ni joge. Pakuru Nyasaye.

Zaburi 71:1

A Ruoth Nyasaye, in ema ageno kuomi. Kik iwe loya, mi wiya kuodi,

Isaya 40:29

En ema omiyo joma ool teko. Adier, omedo muya ni joma tekogi orumo.

Isaya 41:10

Kik uluor gimoro nikech an kodu. Kik kibaji gou, nimar an e Nyasachu. Amiyou teko, kendo akonyou, bende asirou gi bada ma korachwich ma alochogo.

Jeremia 38:4

Kane jodongogo owinjo wechego, ne ginyiso ruoth niya, “Ng’atni nyaka negi, nikech kowuoyo kama, to onyoso chuny jolweny kaachiel gi jomoko duto modong’ e dala ka. Emomiyo waneno ni ng’atni ok dwar konyo ji, to odwaro mana ni mondo giyud chandruok.”

Ezekiel 30:24

Bang’e anami bad ruodh Babulon bed motegno, mi aket liganglana e lwete. Bad ruodh Misri to abiro turo, mi nochur ka otho e nyim ruodh Babulon.

Zekaria 10:12

To an Ruoth Nyasaye ema nami jo-Israel teko, mi ginipaka ka gimiyo nyinga duong’. An Ruoth Nyasaye ema awacho kamano.”

2 Jo-Korintho 12:9

to nowachona niya, “Mich ma amiyi kuom ng’wonona oromi, nikech kama nyawo nitie ema teko tiyoe moloyo.” Emomiyo amor ahinya pakora nikech nyawona, mondo teko mar Kristo odag kuoma.

Jo-Efeso 3:16

Akwayo Nyasaye kuom duong’ne mang’ongo mondo omiu teko e chunyu maiye kuom Roho mare,

Jo-Efeso 6:10

To wach mogik en ni, beduru motegno kuom Ruoth, kendo kuom tekone maduong’.

Jo-Filipi 4:13

Anyalo chomo gik moko duto tir, kuom teko ma Kristo miya.

Jo-Hibrania 12:12

Emomiyo jing’uru bedeu mobengore kod chongeu monyosore.

1 Petro 5:10

To ka usenwang’o chandruok kuom kinde matin, to Nyasach ng’wono duto, ma oseluongou kuom Kristo e duong’ne mochwere, noduog chunyu, mi miu teko, kendo omiu chuny motegno, koketou e mise ma ok yiengni.

1 Samuel 30:6

Daudi nodhier nono, nikech joge ne wacho ni mondo ogoye gi kite, nimar chunygi ne lit ahinya, ka ng’ato ka ng’ato paro yawuote gi nyige. To kata kamano Daudi noyudo teko kuom Ruoth Nyasaye.