Nehemia 6:8 - MUMA MALER 2015

⁸ To nadwokogi niya, “Onge gimoro mosetimore kaka uwachono. Mago mana weche mag miriambo, muhango un uwegi!”

Motingʼo Loko Manyien

⁸ Ne aorone dwoko niya, “Gima iwachono ok en adier; mano iparo mana gi pachi owuon.”

Nehemia 6:8 Iomraidhean Croise

Nehemia 6:7

Kendo wawinjo ni iseketo jonabi mondo oland wach e Jerusalem, ni nigi ruoth, ma enie in. Bed gi ratiro ni ruoth biro winjo wachni, omiyo bi piyo mondo walos kodi.”

Ayub 13:4

Un to, uumo adiera gi miriambo, omiyo uchalo jothieth ma ok nyal thiedho tuo.

Zaburi 36:3

Wechene richo kendo oting’o miriambo lilo. Rieko oselalne, omiyo ok onyal timo gimoro maber.

Zaburi 38:12

Joma dwaro nega chikona obadho, kendo jogo ma dwaro hinya bwoga gi weche maricho. Odiechieng’ duto gihangona wach mondo gihinya.

Zaburi 52:2

Ichano timbe ma idwaro hinyogo ji, kendo lewi mihangogo ji bith ka wembe.

Isaya 59:4

Onge ng’ama donjo ni wadgi e yo makare, kata ma yalo bura gi adiera, to ji duto ogeno kuom weche manono kod miriambo. Gichano weche maricho e chunygi, ma bang’e nywolo mana chandruok.

Daniel 11:27

Bang’e ruodhi ariyogo nobed piny mondo ochiem kaachiel, to ginibed ka gin gi paro maricho. Omiyo giniwuondre, kendo ok giniyud gima gidwaro, nimar kinde ma Nyasaye oketo pok ochopo.

Mathayo 12:34

Un nyithi thuondegi! Ere kaka weche muwacho dibed mabeyo, to un uwegi un joricho? Chutho gik mopong’o chuny dhano ema wuok e dhoge.

Johana 8:44

Un nyithind wuonu ma en Satan, kendo uhero timo gik ma en ema odwaro. Nyaka a chakruok en osebedo mana janek, kendo ok odwar adiera nikech adiera onge e iye. Ka owacho miriambo, to oluwo mana kite owuon, nikech en jamriambo, kendo en e wuon miriambo duto.

Tich Joote 25:10

Paulo to nodwoke ni, “Achung’ e nyim kom ng’ado bura mar Kaisar, omiyo kaeri ema owinjore ng’adnae bura. Onge gima rach ma asetimo ni jo-Yahudi, kaka ing’eyo maber chuth!

Tich Joote 25:7

Kane Paulo osebiro, jo-Yahudi mane osea Jerusalem nochung’ kolwore, kendo ochako donjone gi weche madongo mang’eny, mane ok ginyal nyiso ni adier.