Nehemia 6:3 - MUMA MALER 2015

³ Omiyo naoronigi joote gi wach niya, “An gi tich maduong’, omiyo ok anyal biro. Ere kaka dawe tich mondo ochung’, ka abiro iru mwalo kuno?”

Motingʼo Loko Manyien

³ omiyo ne aoronegi jaote gi dwoko niya, “An kod tich maduongʼ kendo ok anyal lor piny. Ere gima tangʼ mi tich chungʼ mi aweye kendo alor piny abi iri?”

Nehemia 6:3 Iomraidhean Croise

Nehemia 4:13

Kane awinjo wachno, nachano ji e dhoutgi, maketo kuonde mane ni thuolo e kor ohinga, ka giting’o ligangla gi tong’ kod atung’.

Nehemia 6:2

Mano omiyo Sanbalat gi Geshem noluonga mondo adhi gi Hakefirim e paw Ono, alos kodgi. To mano ne mana riekogi mar timona marach.

Nehemia 6:4

Ne giluonga kamano nyading’wen, to e kinde ka kinde nadwokogi mana machalre.

Ngeche 14:15

Ng’at ma riekone tin yie gimoro amora mowinjo. Ng’ama riek to ong’eyo pogo weche.

Eklesiastes 9:10

Tim gik moko duto minyalo timo gi chunyi duto, nimar e piny joma otho, kuma ibiro dhiye, onge paro kata ng’eyo kata rieko, kata tim moro amora!

Mathayo 10:16

“Winjuru! Aorou mana ka rombe madhi e dier ondiegi. Emomiyo beduru mariek ka thuol, kendo beduru mamuol ka akuru.

Luka 14:30

kawacho ni, ‘Jali nochako gedo, to otame tieko!’

Johana 9:4

Nyaka wati tije mag Jal mane oora kapod piny odiechieng’, nikech otieno biro chopo ma ng’ato ok nyal tiyoe.