Nehemia 6:13 - MUMA MALER 2015

¹³ Ne gimiye asoya mondo obwoga, adonj e Hekalu kamano, mi atim gima chik okwero mondo giketh nyinga.

Motingʼo Loko Manyien

¹³ Ne osengʼiewe mondo obwoga eka atim richo mar timo ma, bangʼe gimiya nying marach mar njawo kita.

Nehemia 6:13 Iomraidhean Croise

Nehemia 6:12

Ooyo, ok abi donjo!” Eka nafwenyo ni Nyasaye ne ok oore, to nokoro wechego mana ni mondo ohinya, kendo ni Tobia gi Sanbalat ema nomiye asoya mondo okor wechego.

Nehemia 6:6

Baruano nondikie niya, “Wach oselandore e kind ogendini ni in kod jo-Yahudi uchano ng’anyo, kendo Geshem bende osewinjo kamano. Mano emomiyo igero ohinga. Wawinjo bende ni in iwuon idwaro bedo ruoth.

Ngeche 22:1

Ber bedo gi nying maber, moloyo bedo gi mwandu mathoth. Bende ber bedo ng’at mogen, moloyo bedo gi fedha kata dhahabu.

Ngeche 29:5

Ng’at ma pero wadgi chiko obadho mana ni en owuon.

Eklesiastes 7:1

Nying maber ber moloyo mo mang’ue ng’ar ma nengone tek. Chieng’ tho ng’ato bende ber moloyo chieng’ nywolne.

Isaya 51:7

Winjuru, un joma ong’eyo tim makare kaka obet, kendo ma keto chunygi kuom chikna. Kik uluor achaya mag ji, kendo ayany ma giyanyougo kik gou kibaji,

Isaya 57:11

To en ng’a ma iluoro ahinya, ma omiyo iweya, ma ok inyal para, kata mana rwaka e chunyini? Koso idagi luora nikech ne ineno ka aling’ aling’a, mi achalo ng’ama ok oneni?

Jeremia 1:17

Emomiyo tim atima chir Jeremia, kendo dhi iwachnigi gik moko duto ma asenyisi. Kik iwe gimiyi luoro, nono to abiro miyo ibed maluor moloyo e nyimgi.

Jeremia 18:18

Bang’ mano ji nowacho niya “Wang’aduru rieko mondo wanyal Jeremia. Pod nobedie abeda jodolo manyalo telonwa, gi joma riek manyalo ng’adonwa rieko, kod jonabi manyalo nyisowa wach Nyasaye. Biuru wahangne wach, kendo wawe dewo gima owacho.”

Jeremia 20:10

Awinjo ka ji kuodha gi nying’ ma gichaka ni ‘Masira ni kuonde duto,’ kendo giwacho niya, ‘Kwedeuru! Ee, wakwede!’ Kata mana osiepena ma ageno bende gombona mana chwanyruok. Giwacho niya, ‘Dipo ka oyondhe, mi omoko, kendo wachulone kuor.’

Ezekiel 2:6

“To in wuod dhano, kik iluorgi, kata kik iluor gima giwacho. Gibiro lwori mana ka kudho, mi giketi diere, kendo inichal mana ka gima idak e kind thomoni. To kata kamano, kik iwe joma wigi tekgo bwogi, kata kik iluor gimoro amora ma giwacho.

Mathayo 10:28

Kik uluor joma nego mana ringruok kende, to ok nyal nego chuny. To luoruru Jal ma nyalo tieko chuny kaachiel gi ringruok e mach mak rum.

Mathayo 22:15

Bang’e jo-Farisai nodhi, mi jopimo wach kaka digindhog Yesu gi weche mowacho.

Mathayo 26:59

Jodolo madongo gi jobura duto ne dwaro weche mag mirambo ma digidonjnigo ni Yesu mondo onegi.

Tich Joote 6:13

Eka ne gikelo jomoko mondo ohangne wach ni, “Jali pile yanyo Hekalu marwa maler, kod Chik Musa.

2 Jo-Korintho 11:12

To abiro dhi nyime ka atimo mana gima atimo sani, mondo kik awe thuolo ni joma dwaro pakore ni gin bende gin joote kaka wan.

1 Timotheo 5:14

Omiyo daher mondo okend mond liete matindo, mi ginywol nyithindo, kendo girit utgi, eka digitam jasikwa yudo thuolo mar wacho weche maricho kuomwa.

2 Timotheo 1:7

Nyasaye ne ok omiyowa chuny mar bedo ngoche, to nomiyowa chuny mar bedo gi teko, gi hera, kod ritruok.

Tito 2:8

To ka iwuoyo, to wach mana weche maradier ma ji ok nyal chayo ni ofuwo, mondo okuod wi jasigu, maonge gima rach mowacho kuomwa.

Jakobo 4:17

Ka ng’ato ong’eyo gima ber monego otim to ok otim, to odoko jaricho.

Fweny 21:8

To ngoche, gi joma ok oyie, kod jomriambo duto, kargi nobed mana ataro maliel gi ligek mach, ma en tho mar ariyo!”