Nehemia 5:9 - MUMA MALER 2015

⁹ Eka nadhi nyime kawachonigi niya, “Gima utimo rach! Owinjore ubed joma oluoro Nyasaye ahinya, mondo ogendini ma wasikwa kik yud thuolo mar charowa.

Motingʼo Loko Manyien

⁹ Eka ne adhi nyime ka awacho niya, “Gima utimoni ok ber. Donge duluorie Nyasachwa mondo ugengʼ achaya mar joma ok jo-Yahudi ma wasikwa ochayowago?

Nehemia 5:9 Iomraidhean Croise

Chakruok 20:11

Ibrahim nodwoke niya, “Naparo ni onge joma oluoro Nyasaye e pinyni, omiyo nagalo ni ginyalo nega mondo gikaw chiega.

Chakruok 42:18

Chieng’ mar adek Josef nowacho ni owetene niya, “An ng’at moluoro Nyasaye, omiyo unyalo kwo kutimo kaka awacho.

2 Samuel 12:14

To kata kamano nyathi monywolni biro tho, nikech isechayo Ruoth Nyasaye.”

Nehemia 4:4

“A Nyasachwa, winjie kaka gijarowa. Dwok ayanygi e wigi giwegi, kendo itergi e piny mabor ka joma otue ma ji jaro.

Nehemia 5:10

An awuon gi jowetena kod joga, waholo ji pesa kod cham, to ok wakaw ohala. Waweuru wach mar kawo ji ka joma osing kuom gope.

Nehemia 5:15

Jotelo ma nokwongona noketo ni ji ting’ mapek, ka gikawo kuomgi chiemo kod divai ma nengogi ne romo nus kilo mar fedha odiechieng’ kodiechieng’. To bende jotichgi ne thago ji, to an ne ok atimo kamano, nikech naluoro Nyasaye.

Zaburi 90:11

Ere ng’ama ong’eyo teko duto mar mirimbi? Koso ere ng’ama ong’eyo luoro ma gero mari kelo?

Ngeche 16:29

Ng’at ma jamahundu wuondo osiepene, kendo oterogi e masira.

Ngeche 17:26

Ok en gima ber kumo ng’at maonge ketho, kata goyo ng’at makare.

Ngeche 18:5

Ok en gima kare chwako jaketho, kata ketho buch ng’ama kare.

Ngeche 19:2

Ng’at maonge gi rieko to gombo gik moko, ok nyal dhi nyime maber. Jarikni jamuod nyoyo gi kuoyo.

Ngeche 24:23

Wechegi bende gin weche mane joma riek wacho. Ng’ado bura nyakonchiel nikech luoro wang’ en richo.

Ezekiel 36:20

To kamoro amora mane gidhiye, ne gikeloe wichkuot ni nyinga maler, nikech ji ne wacho niya, ‘Jogi gin jo-Ruoth Nyasaye, to ne oriembgi e piny mane omiyogi.’

Tim jo-Lawi 25:36

Kuhole gimoro, to kik ukaw kuome ohala, to luoruru Nyasachu, kendo uyie owadu odag kodu.

Tich Joote 9:31

Kamano kanyakla mar jo-Kristo manie piny Judea duto gi Galili kod Samaria noyudo kue. Roho Maler nokonyogi, mi gidoko motegno, kendo gimedore, ka giluoro Nyasaye.

Jo-Rumi 2:24

mana kaka Muma wacho niya, “Un jo-Yahudi ema umiyo joma ok jo-Yahudi tugo gi nying Nyasaye”?

1 Timotheo 5:14

Omiyo daher mondo okend mond liete matindo, mi ginywol nyithindo, kendo girit utgi, eka digitam jasikwa yudo thuolo mar wacho weche maricho kuomwa.

Tito 2:5

kendo obed joma oritore, mangimagi ler, bende ma rito utgi maber. Nyaka gibed mon mang’won kendo moluoro chwogi, mondo Wach Nyasaye kik yany.

1 Petro 2:12

Timu onego obed maber ahinya e nyim joma ok oyie, mondo kata obedo ni gihangou ni un joma richo, to gine timbeu mabeyo, mi gipak Nyasaye chieng’ ma obiroe ng’ado bura.

1 Samuel 2:24

Ooyo yawuota, wach masewinjo ka jo-Ruoth Nyasaye wacho kuomu ok en wach maber.