Nehemia 5:8 - MUMA MALER 2015

⁸ Eka namedo wachonigi niya, “Jo-Yahudi weteu mane jopinje mamoko ong’iewo, wasewaro mwadwoko, kaka wanyalo, to un koro uuso mana joweteu uwegi, to mano biro chunowa mana ni nyaka wawargi kendo!” Ne giling’ ka dhogi omoko.

Motingʼo Loko Manyien

⁸ mi awachonegi niya, “Wasetemo kaka wanyalo ma waduogo owetewa mane joma ok jo-Yahudi ongʼiewo kuomu kaka wasumbini. Koro sani uuso oweteu, to mano biro chunowa ni nyaka wawargi kendo!” Negilingʼ thi, nikech onge gima neginyalo wacho.

Nehemia 5:8 Iomraidhean Croise

Nehemia 5:9

Eka nadhi nyime kawachonigi niya, “Gima utimo rach! Owinjore ubed joma oluoro Nyasaye ahinya, mondo ogendini ma wasikwa kik yud thuolo mar charowa.

Ayub 29:10

kendo koda ka joma dongo manade ne ling’ thi.

Ayub 32:15

Eka Elihu nowacho ni Ayub niya, “Wach otamo jogi, kendo ok ginyal dwoko wecheni.

Wuok 21:16

“Ng’at mokwalo dhano nyaka negi, kata da bed ni oyud koseng’iewe, kata koyud ka pod en kode.

Mathayo 22:12

mi owachone ni, ‘Omera, ere kaka idonjo ka, to ionge gi law kisera?’ To dho ng’atno nomoko.

Mathayo 25:15

Nopogogi pesa, kaka tekre ng’ato ka ng’ato obet. Jatich achiel nomiyo siling’ alufu abich, to moro alufu ariyo, kendo machielo alufu achiel. Eka nowuok odhi e wuodhe.

Mathayo 25:29

nikech ng’ato ka ng’ato man-go ema nomedi, mi bed gi gik mang’eny moloyo. To ng’at maongego noma kata mana mano matin ma en-go!

Jo-Rumi 14:15

Ka gimoro ma in ichamo chwanyo owadu, to mano nyiso ni iseweyo wuotho e hera. Omiyo kik iwe chiemo ma ichamo keth ng’at ma Kristo nothone!

Jo-Rumi 3:19

To wang’eyo ni weche duto ma Chik wacho oket ni joma nie bwo Chikno. Kuom mano, ji onge gi yo ma ginyalo tonygo e bura, to buch Nyasaye okwako piny duto.

1 Jo-Korintho 8:11

Kamano riekoni miyo wadu ma chunye nyap, mane Kristo othone, lal chuth.

2 Jo-Korintho 8:12

Ka uketo chunyu kuom chiwo, to Nyasaye biro yie mana gi gima uchiwo, to ok odwar mondo uchiw gima uongego.

Jo-Galatia 6:10

Emomiyo, kinde moro amora mwayudoe thuolo, to ber mondo watim ni ji duto maber, to moloyo ni jogo ma owetewa kuom yie.

Rapar mar Chik 24:7

“Ka oyud ng’ato kokwalo ja-Israel wadgi mi oloke misumbane, kata ong’iewe gi ng’ato, to nyaka neg jakuogno. Mano e kaka unupwodhru kuom richo ma kamano.