Nehemia 5:4 - MUMA MALER 2015

⁴ To jomoko bende ne singo puothegi mag cham gi mag mzabibu mondo giyud pesa ma digigolgo osuru ni ruoth.

Motingʼo Loko Manyien

⁴ Eka jomoko to ne wacho niya, “Chunowa ni nyaka wahol pesa mondo wachul godo osuru mar ruoth e puothewa kod puothe mzabibu.

Nehemia 5:4 Iomraidhean Croise

1 Ruodhi 9:21

Solomon noloko wasumbni mochuno mondo oti gi thwon, kaka obet nyaka chil kawuono. Ne gin joma notamo jo-Israel tieko chuth.

Ezra 4:13

To ruoth, nyaka ing’e malong’o ni kapo ni gigero dalagino, mi gitieko ohingane, to ok ginigol osuru, kata golo chiwo, kata mana chulo gimoro amora, mi e gikone giniketh lochni.

Ezra 4:20

E ndalo mokadho ruodhi marateke norito Jerusalem, kendo noloyo piny duto man loka Yufraete. Ji ne goyonigi osuru mopogore opogore.

Ezra 7:24

To bende wanyisou malong’o ni uonge gi teko mar keto osuru kata chudo moro kuom jodolo gi jo-Lawi gi jower gi jorit dhorangeye kod jotich Hekalu, kata kuom ji mamoko e Od Nyasaye.

Nehemia 5:3

Jomoko to ne singo puothegi mag cham gi mag mzabibu kod utegi mondo giyud cham nikech kech.

Nehemia 9:37

Gik moko duto ma pinywani nyago dhi mana ni ruodhi miketo mondo otiwa nikech richowa. Gin gi teko kuom dendwa, kendo gitimo gima gihero ni jambwa, ka wan to wachandore malich.”

Ngeche 22:7

Joma odhier gin wasumb jomwandu, kendo kiholo gimoro kuom ng’ato to nyaka idok misumbane.

Joshua 16:10

To jo-Efraim ne ok oriembo jo-Kanaan ma nodak Gezer, mi jo-Kanaan-go pod odak e diergi nyaka chil kawuono, to nochun-gi mondo gibed wasumbni nyaka chieng.