Nehemia 4:21 - MUMA MALER 2015

²¹ Kamano ne wadhi nyime gi tich, chakre ru piny,, nyaka yuso piny, ka nus ji oting’o tong’.

Motingʼo Loko Manyien

²¹ Omiyo ne wadhi nyime gi tich ka nus mar jowa otingʼo tongʼ, kochakore kogwen nyaka sa ma piny imore.

Nehemia 4:21 Iomraidhean Croise

Nehemia 4:20

Kuom mano, kamoro amora muwinjo ka tung’ ywakie, to yworwauru kanyo, kendo Nyasachwa biro kedonwa.”

Nehemia 4:22

E kindego nawacho ni ji bende niya, “Ng’ato ka ng’ato mondo onind Jerusalem, kaachiel gi jatichne, mondo gibednwa joma ritowa gotieno, kendo joma tiyo godiechieng’.”

1 Jo-Korintho 15:10

To ng’wono mar Nyasaye ema osemiyo abedo kaka achaloni, kendo ng’wono mane omiya ok osebet kayiem nono. Chutho asetiyo matek moloyo joote mamoko duto, to ok gi tekra awuon, to ng’wono mar Nyasaye ema notiyo kuoma.

1 Jo-Korintho 15:58

Emomiyo owetena mahero, chung’uru motegno ma ok ung’ingni, kutiyo matek pile e tich Ruoth, kendo kung’eyo ni tich mutiyo kuom Ruoth ok nobed kayiem nono.

Jo-Galatia 6:9

Kuom mano, kik waol gi timo gik mabeyo, nikech ka ok wanyosore, to wanake, ka ndalo, ka ndalo ogik.

Jo-Kolosai 1:29

Mano e gima achandora katiyone, ka teko maduong’ mar Nyasaye tiyo kuoma.