Nehemia 4:14 - MUMA MALER 2015

¹⁴ Eka narango piny kaka chalo, manyiso ruoth kod jotelo gi ji duto niya, “Kik uluorgi, to paruru Ruoth Nyasaye maduong’ kendo malich, kendo uked ni oweteu gi yawuotu gi nyiu gi mondu kod miechu.”

Motingʼo Loko Manyien

¹⁴ Kane asenono gigi maber, ne achungo malo kendo awachone joka ruoth, jotelo kod joma moko niya, “Kik uluorgi. Par Ruoth Nyasaye, maduongʼ kendo malich, kendo ukedne oweteu, yawuotu kod nyiu, mondeu, kod miechu.”

Nehemia 4:14 Iomraidhean Croise

2 Samuel 10:12

Bed gi chir, waked matek ni jowa. To Ruoth Nyasaye mondo otim gima oneno ni ber.”

2 Weche mag Ndalo 32:7

“Jiwreuru kendo timuru chir. Kik uluor ruodh Asuria, kendo oganda lweny maduong’ mobirogo kik bwogu, nimar Jal makonyowa tek moloyo jal makonye.

Nehemia 1:5

Ne alemo kama: “A Ruoth Nyasaye ma Nyasach polo, Nyasaye maduong’ kendo malich. Irito singruok mitimo gi joma oheri kendo marito chikeni, kiherogi gi hera mosiko.

Ayub 37:22

Kor polo ma yo nyandwat otimo koche makwar, kendo mano nyisowa duong’ malich mar Nyasaye.

Zaburi 143:5

Aparo ndalo mosekadho, kaachiel gi gik moko duto misetimo.

Zaburi 20:7

Ji moko ogeno kuom gechegi mag lweny, to moko ogeno kuom faresegi. Wan to wageno kuom teko mar Ruoth Nyasaye!

Zaburi 27:1

Ruoth Nyasaye e lerna kendo e warruokna, omiyo ere ng’ama daluor? Ruoth Nyasaye e kar konyruokna, omiyo ok daluor ng’ato.

Zaburi 46:11

Ruoth Nyasaye Manyalo Gik Moko Duto ni kodwa. Adier, Nyasach Jakobo e kar konyruokwa!

Zaburi 65:5

A Nyasachwa kendo jawarwa, idwokowa kitimo gik madongo miresowago. In ema ji duto modak e piny ogeno kuomi, koda ka joma odak kuonde maboyo loka nam.

Zaburi 66:3

Pakuru Nyasaye niya, “Mano kaka gik mitimo lich miwuoro! Tekoni duong’ ahinya, omiyo wasiki kulore gi luoro e nyimi.

Zaburi 66:5

Biuru mondo uneye gik madongo ma Nyasaye osetimo ni ji.

Wuok 14:14

Ruoth Nyasaye biro kedonu, omiyo un ling’uru aling’a.”

Wuok 14:25

Nomiyo tiend gechegi omoko, mi koro ne ok ginyal ringo maber, nyaka jo-Misri nowacho niya, “Ruoth Nyasaye ema kedonigi kodwa.”

Eklesiastes 12:1

Paruru jachuechu kapod utindo, kendo ka pok ndalo mag chandruok obiro, ma koro uwachoe niya, “Onge gima tinde bernwa e piny.”

Daniel 11:32

Ruoth nong’ad rieko mondo oywago joma oseweyo singruokgi malerno, to kata kamano, joma ong’eyo Nyasachgi nobed motegno kendo nolochi.

Zekaria 14:3

Eka Ruoth Nyasaye nowuogi mi ked gi ogendinigo mana ka gima okedo e paw lweny.

Kwan 14:9

To kik uwe Ruoth Nyasaye, bende kik uluor jopinyno, nimar wabiro mwonyogi amwonya. Tipo ma nyocha ogeng’ogi osea, to wan, Ruoth Nyasaye ni kodwa, omiyo kik uluorgi.”

Mathayo 10:28

Kik uluor joma nego mana ringruok kende, to ok nyal nego chuny. To luoruru Jal ma nyalo tieko chuny kaachiel gi ringruok e mach mak rum.

Rapar mar Chik 1:21

Ruoth Nyasaye ma Nyasachu oseikonu piny ma uneno e nyimuno, omiyo dhiuru mondo ukawe kaka Ruoth Nyasaye ma Nyasach kwereu nosingorenu. Kik chunyu nyosre, kata kik ubed maluor.’

Rapar mar Chik 10:17

nimar Ruoth Nyasaye ma Nyasachu en Nyasaye moloyo nyiseche duto, kendo Ruoth moloyo ruodhi duto. En Nyasaye maduong’ kendo malich miwuoro. En kende e Nyasaye miluoro, ma ok dew wang’ ng’ato, kendo ma ok cham asoya.

Jo-Hibrania 13:6

Mano emomiyo wanyalo wacho gi chir niya, “Ruoth e jakonyna, emomiyo ok nabed maluor. Ere gima dhano ditimna?”

Joshua 1:9

Par kaka asechiki ni mondo ibed gi chir kendo gi jing’o. Kik iluor, kendo kik chunyi nyosre, nikech an Ruoth Nyasaye ma Nyasachi, an kodi kuonde duto midhiye.”

Jong’ad Bura 3:27

Kane ochopo kuno, nogoyo tung’ e piny gode mag Efraim mondo ji oywor ni lweny. Eka notelo ni jo-Isarel, kendo ne gilor kode ka gia e piny godego.