Nehemia 4:12 - MUMA MALER 2015

¹² Kane jo-Yahudi modak machiegni gi wasikwa obiro irwa, ne giwachonwa jading’eny ni wasikwago biro wuok kuonde duto ma gidakie mondo omonjwa.

Motingʼo Loko Manyien

¹² Bangʼe jo-Yahudi mane odak mokiewo kodgi nobiro kendo okonewa nyadipar niya, “Gibiro monjou kamoro ma udhiyoe.”

Nehemia 4:12 Iomraidhean Croise

Chakruok 31:41

Kamano e kaka asetiyoni kuom higni piero ariyogi. Natiyoni kuom higni apar gang’wen mondo imiya nyigi ariyo, kendo namedo tiyoni kuom higni auchiel mondo ayud jamni kaka pokna, to niloko pokna nyadipar.

Chakruok 31:7

En to, osewuonda, moloko pokna nyadipar. To kata kamano, Nyasaye ne ok oweyo ohinya.

Nehemia 4:11

Wasikwa bende nowacho niya, “Wabiro monjogi, mwaneggi, kapok giwinjo kata neno gimoro, mi tich biro chung’.”

Nehemia 4:13

Kane awinjo wachno, nachano ji e dhoutgi, maketo kuonde mane ni thuolo e kor ohinga, ka giting’o ligangla gi tong’ kod atung’.

Ayub 19:3

Kinde ka kinde uwang’o iya, kendo ok une wichkuot ka uyanya.

Daniel 1:20

E kinde akinda mane ruoth openjoe wach moro, kata mane okeloe gimoro matek manade, to ne oyudo ni yawuowi ang’wen-go ong’eyo wachno nyadipar moloyo johul wach kata ajuoke duto mae pinye.

Kwan 14:22

akuong’ora ni onge kata mana ng’at achiel kuom joma oseneno duong’na kod honni mane atimo e piny Misri kendo e thim