Nehemia 4:11 - MUMA MALER 2015

¹¹ Wasikwa bende nowacho niya, “Wabiro monjogi, mwaneggi, kapok giwinjo kata neno gimoro, mi tich biro chung’.”

Motingʼo Loko Manyien

¹¹ Wasikwa bende nowacho niya, “Ka pod ok gi ngʼeyo kata ka pod ok gi nenowa, to wabiro poree e diergi kendo wabiro negogi mi wachung tich.”

Nehemia 4:11 Iomraidhean Croise

2 Samuel 17:2

Abiro juke kool, kendo ka chunye onyosore, mi anamiye kihondko maduong’, kendo ji duto man kode noringi. To naneg mana ruoth kende,

Nehemia 4:10

To jo-Juda nowacho niya, “Pidhe mag kuonde momukore ng’eny, to teko joma goologi osedok chien, omiyo ok wanyal medo gero ohinga.”

Nehemia 4:12

Kane jo-Yahudi modak machiegni gi wasikwa obiro irwa, ne giwachonwa jading’eny ni wasikwago biro wuok kuonde duto ma gidakie mondo omonjwa.

Nehemia 4:9

Kuom mano ne walamo Nyasachwa, kendo ne waketo askeche ma jorit odiechieng’ gotieno mondo ogeng’gi.

Zaburi 56:6

Gichokore kama opondo, kendo ging’iyo gik moko duto ma atimo, ka gikiya mondo ginega.

Isaya 47:11

Kuom mano masira biro maki, kendo ok ning’e kaka dithiedhri. Adier, masira biro nyori, kendo ok ning’e misango minyalo geng’ego. Ee, masira biro poyi, mi tieki pep!

Tich Joote 23:12

Kinyne gokinyi, jo-Yahudi moko nochokore kaachiel mochano gima onego gitim. Ne gikuong’ore ni ok ginyal chiemo kata madho gimoro kapok ginego Paulo.

Tich Joote 23:21

To kik iyienigi, nikech nitie ji moloyo piero ang’wen ma biro butone. Gisekuong’ore ni ok ginyal chiemo kata madho gimoro kapok ginege. Adier, giikore mar timo kamano, kendo wachni ema girito.”

1 Jo-Thesalonika 5:2

nikech ung’eyo maber ni Chieng’ Ruoth nobi mana kaka jakuo biro gotieno,