Nehemia 3:8 - MUMA MALER 2015

⁸ Uziel wuod Marhaya, jatich dhahabu, notiyo e dir jogo. Hanania, ma jalos gik mang’ue ng’ar, nogedo mokiewo gi Uziel ka gigero ohinga mar Jerusalem nyaka kama ohinga lachgo.

Motingʼo Loko Manyien

⁸ Uziel wuod Harhaya mane en achiel kuom jotheth, nogedo e dir jogo kendo; to Hanania, mane en achiel kuom jolos gik mangʼwe ngʼar, nogedo mokiewo gi Uziel ka gigero ohinga mar Jerusalem nyaka kama ohinga lachgo.

Nehemia 3:8 Iomraidhean Croise

Chakruok 50:2

Eka nochiko jotichne ma jothieth mondo owir ringre wuon mare gi yath, kik tow. Mi ne gitimo kamano,

Nehemia 12:38

To migap jower machielo nochomo bat koracham, kendo naluwogi gi nus jodongo komachielo. Ne waluwo ohinga kwakadho kama oger mabor mar ng’icho mar Kende Mach, nyaka kama ohinga lachgo.

Wuok 30:25

Gigo ema mondo ilosgo mor wir maler mang’ue ng’ar, mana kaka jalos gik mang’ue ng’ar loso. Mano nobed mor wir maler.

Eklesiastes 10:1

Kaka lwang’ni motho nyalo ketho mo mang’ue ng’ar mi dum tik marach, e kaka fuwo matin nono bende nyalo ketho rieko maduong’.

Isaya 46:6

Dupima gi nyasaye ma dhano loso koso? Joma dwaro nyasaye machal kamano kawo dhahabu mang’eny, kendo pimo fedha e ratil, eka gindiko jatheth mondo olosnigigo nyasayeno. Bang’e gilame ka giriere piny e nyime.