Nehemia 3:15 - MUMA MALER 2015

¹⁵ Shalum Kol-hoze, jatend jo-Mizpa, nogero Ranga Soko, moketone tado, kendo orwako thikene gi radedi kod lodi mage. Bende nogero ohinga, chakre Yap Siloam, kama omanyore gi orundu mar ruoth, nyaka raidhi malor koa e Dala Daudi.

Motingʼo Loko Manyien

¹⁵ Shalun wuod Kol-Hoze, ma jatend gwengʼ Mizpa, nogero Dhoranga Thidhia moketone tado kendo orwako dhoute, radedi kod lodi mage. Noloso bende ohinga mar Dago mar Siloam, machiegni gi Puoth Ruoth, nyaka e raidhi mabor koa Dala Maduongʼ mar Daudi.

Nehemia 3:15 Iomraidhean Croise

2 Samuel 5:9

Bang’e Daudi nodak e dala mochiel gi ohingano, mi noluonge ni Dala Daudi. Nomedo gero udi molwore, chakre ohinga mar Milo, ka dok ka iye.

2 Ruodhi 25:4

Chieng’ due ochiko, due mar ang’wen, jo-Babulon nomwomo ohinga mar dala, mi Zedekia notemo ringo gi jolwenje duto gotieno, kata obedo ni jo-Babulon nosedhogo dala koni gi koni. Ne giluwo rangach mane nie kind ohingni ariyo, ka ging’ado orundu ruoth, mi gichiko yo holo mar Jordan.

2 Weche mag Ndalo 32:30

Hezekia nogono nogeng’o soko mar Gihon gi yo ka malo, mochiko pi, mi omol kochomo dala Daudi yo podho chieng’. Tije duto mane Hezekia ochako, notieko maber.

Nehemia 12:37

Ne gikadho Ranga Soko, eka ne gichomo nyimgi tir, ka giidho raidhi nyaka dala Daudi, kama ohinga oting’orego. Bang’e ne gikadho Od Daudi, mi giwuotho nyaka Ranga Pi, man yo wuok chieng’.

Nehemia 2:14

Bang’ mano nadhi e Ranga Soko, machopo e Yap Ruoth, to ne onge kama kanja nyalo kadhoe.

Nehemia 2:17

To bang’e nawachonigi niya, “Uneno masira ma wantieni, ka Jerusalem odong’ gunda, kendo rangeyene owang’ gi mach. Koro biuru walos ohinga mar Jerusalem mondo wich kuot ma wan go orum.”

Nehemia 3:12

Shalum wuod Halohesh, ma jatend dir gweng’ Jerusalem komachielo nogedo e dir jogo, ka nyige konye.

Nehemia 3:14

Ranga Owuoyono to Malkia wuod Rekab, jatend gweng’ Beth-hekerem ema nogero. Norwako thikene gi radedi kod lodi mage.

Nehemia 3:19

Ezer wuod Jeshua jatend Mizpa nochako gero migawo machielo e dir jo-Binui, kama omanyore gi yo ma idho kochomo kar keno mar gilweny man kama ohinga ogomogo.

Nehemia 3:7

Melatia ja-Gibeon gi jo-Mizpa nogedo e dir jo-Tekoa mochopo e od jatelo man loka aora Yufrate.

Nehemia 3:9

Refaya wuod Hur mane jatend dir gweng’ Jerusalem bende nogero migape mokiewo gi migap Hanania.

Eklesiastes 2:6

Bang’e ne akunyo yewni mondo ayud pi.

Isaya 8:6

“Ogandani osedagi wechena mamuol machalo pi Shiloa mamol mos gi kue,

Jeremia 40:6

Kamano Jeremia nodhi Mizpa, mobet gi Gedalia, kaachiel gi joma noyudo odong’ piny Juda.

Luka 13:4

Koso uparo ni ji apar gaboro mane ohinga mar Siloam opodho kuomgi, mi onego kande, ne joketho moloyo jo-Jerusalem mamoko duto koso?

Johana 9:7

Eka nowachone ni, “Dhi ilwok wang’i e yawo mar Siloam.” (Tiend nying yawono en ‘Ote’.) Kuom mano ng’atno nodhi olwoko wang’e mi odwogo ka oneno.

Jong’ad Bura 20:1

Jo-Israel duto, chakre Dan nyaka Beer-sheba, kaachiel gi Gilead, noyworo ni lweny, mochokore Mizpa e nyim Ruoth Nyasaye maonge ng’at modong’.

Jong’ad Bura 20:3

Mi jo-Benjamin nowinjo ni jo-Isarel osedhi Mizpa. Jo-Israel nopenjo niya, “Ere kaka gima rach machalo kama notimore?”