Nehemia 3:1 - MUMA MALER 2015

¹ Eliashib jadolo maduong’ kod jodolo mamoko ne jochako tich, mogero Rangach miluongo ni Ranga Rombe. Ne gichungo sirni mage, mi girwako thikene. Ne gigero ohinga mochopo kama oger mabor mar ng’icho mar Hamea, kendo nyaka kama oger mabor mar ngicho mar Hananel. Eka ne giguedhe.

Motingʼo Loko Manyien

¹ Eliashib ma jadolo maduongʼ kod jodolo wetene ne jochako tich mogere rangach miluongo ni Dhoranga Rombe. Ne gigwedhe mi girwako dhoute, negigero ohinga mochopo kama oger mabor mar ngʼicho mar Mea kendo nyaka kama oger mabor mar ngʼicho Hananel.

Nehemia 3:1 Iomraidhean Croise

Nehemia 12:10

Jeshua nonywolo Joyakim, to Joyakim nonywolo Eliashib. Eliashib nonywolo Joyada,

Nehemia 12:30

Jodolo gi jo-Lawi nopwodhore giwegi, eka ne gipwodho ji, kendo ne gipwodho dhorangeye kod ohinga.

Nehemia 12:39

Ne wakadho Ranga Efraim gi Ranga Dala Machon gi Ranga Rech gi kama oger mabor mar ng’icho mar Hananel kod mar Hamea nyaka wachopo e Ranga Rombe. Mi ne gichung’ e Ranga Od Jorito.

Nehemia 13:28

To noyudo ka achiel kuom yawuot Joyada ma wuod Eliashib jadolo maduong’ osekendo nyar Sanbalat ja-Horon. Emomiyo ne ariembe buta.

Nehemia 13:4

To kane mago pok otimore, Eliashib jadolo mane oket jarit ut keno mag Od Nyasachwa, kendo mane wat Tobia, noyudo osemiyo Tobia ot maduong’.

Nehemia 3:20

Barak wuod Zebai bende nochako gero migawo moro, chakre kama ohinga ogomogono, nyaka dhood Eliashib jadolo maduong’.

Nehemia 3:21

Meremoth wuod Uria ma wuod Hakoz nochako ogero migawo machielo e dir Barak. Migapeno nochakore e dhood Eliashib mochopo e giko mar od Eliashib.

Nehemia 3:32

Jotich dhahabu kod joohala ema noloso ohinga chakre gorofa nyaka Ranga Rombe.

Nehemia 6:1

Sanbalat gi Tobia gi Geshem ja-Arabi kod wasikwa mamoko nowinjo ni wasetieko gero ohinga, ma onge kamoro momukore modong’, kata obedo ni ne pok aketo thike mag dhorangeye.

Nehemia 7:1

Kane ohinga oseger manyien, kendo aketone dhorangeye, ne ayiero jorit dhorangeye.

Zaburi 30:1

A Ruoth Nyasaye, adendi nikech isewara, kendo ok iseyie mondo wasika ogona siboi.

Zaburi 48:12

Wuothuru e got Sayun, kendo lworeuru, kukwano kuonde moger maboyo mag ng’icho

Ngeche 3:6

Par Ruoth Nyasaye e gik moko duto mitimo, eka obiro nyisi yo makare monego iluw.

Ngeche 3:9

Nyaka imi Ruoth Nyasaye duong’ gi mwanduni, kichiwone cham mabeyoe moloyo ma ikayo e puotheni.

Jeremia 31:38

Ruoth Nyasaye wacho niya, “Ndalo biro ma nochak ogerie dalani, chakre kama oger mabor mar ng’icho mar Hananel kochiko yo podho chieng’, nyaka rangach man kama ohinga gomogo.

Daniel 9:25

Koro winji, mondo ing’e tiend gik ma abiro wachoni. Chakre chieng’ ma ogolie chik ni Jerusalem onego ochak oger, higni piero ang’wen gochiko nokadhi, eka jatelo mowir nobi. Bang’e Jerusalem nobed ka oseger, molosie yore kendo ochiel gi ohinga motegno, mi nodag higni mia ang’wen gi piero adek gang’wen. Kindeno nobed kinde mar thagruok,

Zekaria 14:10

Piny duto mokiewo gi Jerusalem nobed mopie ka pap, chakre Geba, kochomo milambo nyaka Rimon. Jerusalem to nosik koting’ore ating’a kama entie, chakre dhorangach miluongo ni Dhoranga Benjamin, nyaka dhorangach man yo kama ohinga ogomogo, kendo chakre kama oger mabor mar ng’icho mar Hananel nyaka kuonde mibiyoe mzabip ruoth. (Kuma ohinga ogomogo, chon ne nitie dhorangach moro.)

Johana 5:2

E Jerusalem kuno, e bath rangach miluongo ni Ranga Rombe, ne nitie yawo moro miluongo gi dho Yahudi ni Bethesda. Yawono ne nigi agolni abich.

Rapar mar Chik 20:5

Jodongo bende nowach ni jolweny niya, ‘Ka ng’at moro kuomu osegero ot manyien, to pok orwako, onego odog dala, nimar dipo ka otho e lweny, mi ng’at machielo ema orwako odno.