Nehemia 2:8 - MUMA MALER 2015

⁸ To bende miya barua moro mondo adhigo ir Asaf, jarit yiend bunge magi, mondo omiya yien adhi alosgo dhorangeye kama ochiel motegno momanyore gi od ruoth, kendo alosgo ohinga mar dala, kod ot ma abiro dakie.” Ruoth nomiya gik moko duto mane akwaye, nikech Nyasacha ne ni koda.

Motingʼo Loko Manyien

⁸ Kendo mad imiya baruwa ma aterone Asaf, ma jarit yiend bunge magi, mondo obi omiya sirni migerogo dhoranga dala maduongʼ mochomore gi hekalu kendo alosgo ohinga mar dala kod ot mabiro dakie?” To nikech lwet Nyasacha ma jangʼwono ne ni koda, ruoth noyie gi kwayona duto.

Nehemia 2:8 Iomraidhean Croise

Chakruok 32:28

Eka ng’atno nowachone niya, “Chakre kawuono nyingi ok nobed Jakobo, to ibiro luongi ni Israel, nikech isei gi Nyasaye, kendo gi ji, miloyo.”

Ezra 5:5

Eka jogo nooro wach ni ruoth Darius, kanyise gima timore. To Nyasaye ne ni kod jodong jo-Yahudi, omiyo ne ok ochung-gi mondo giwe tich ka pod irito dwoko moa kuom ruoth.

Ezra 6:22

Ne gitimo Sap Makati ma ok Ketie Thowi kuom ndalo abiriyo ka gimor, nimar Ruoth Nyasaye nosemiyo gibedo mamor, koloko chuny ruodh Asuria mondo ohergi kendo ojiwgi e tich gero Od Nyasaye, ma Nyasach Israel.

Ezra 6:8

To bende achiko kaka onego utim ni jodong jo-Yahudigo, mondo Od Nyasayeno oger. Kaw pesa moko moa kuom osuch piny man loka Yufrate, ochulgo gik moko duto ma jogo konyorego, mondo kik tich chung’.

Ezra 7:6

Ezrano ne japuonj chik, motiegore e chik Musa mane Ruoth Nyasaye ma Nyasach Israel omiyo joge. Ruoth Artaxerxes nomiye gik moko duto mane okwayo, nimar Ruoth Nyasaye ma Nyasache ne ni kode.

Ezra 7:9

Chieng’ due achiel due mokwongo ema ne Ezra osechano mondo owuog Babulon, kendo nochopo Jerusalem chieng’ mokwongo mar due mar abich, nikech Nyasaye noseguedhe.

Nehemia 7:2

Bende naketo Hanani owadwa gi Hanania mane jatend kama ochiel motegno, mondo jobed jotend Jerusalem. Nayiero Hanania nikech ne en ng’at mogen kendo moluoro Nyasaye moloyo joma moko duto.

Ngeche 21:1

Ruoth Nyasaye ema nyiso ruoth gik monego otim, mana kaka ochiko aora kuma onego molie.

Eklesiastes 2:5

Bende ne aloso puothe moko mi apidhoe kit olembe duto.

Eklesiastes 2:6

Bang’e ne akunyo yewni mondo ayud pi.

Isaya 66:14

Ubiro neno kamano, mi chunyu bed mamor. Dendu nobed maber, mana ka lumb chwiri. An Ruoth Nyasaye ema nami jotichna ong’e tekona; Wasika to nanyis mirimba.”

Daniel 1:9

Nyasaye nomiyo Ashpenaz okecho Daniel, kendo obedone mang’won.

Tich Joote 26:22

To Nyasaye nokonya, omiyo nyaka chil kawuono asebedo ka achung’ kendo ka anyiso ji duto, madongo gi matindo, weche ma aseneno. Gima awacho en mana gima Jonabi kod Musa ne jowacho ni notimre.

Tich Joote 7:10

mi ogole e chandruokne duto. Ne omiyo Farao ruodh Misri ogene nikech riekone, mi okete jatelo mar piny Misri kod jaduong’ ode duto.

2 Jo-Korintho 8:16

Wagoyo ni Nyasaye erokamano kuom miyo chuny Tito kinda mar konyou kaka wan!