Nehemia 2:3 - MUMA MALER 2015

³ Nadwoko ruoth niya, “Ruoth mondo odag aming’a! Akuyo nikech dala moyikie kwerena odong’ nono, kendo dhorangeyene osewang’ gi mach.”

Motingʼo Loko Manyien

³ makmana ne awachone ruoth niya, “Mad ruoth dag amingʼa! Dabed gi mor nade ka dala maduongʼ mane kwerena oyikie omukore, kendo dhorangeyene osewangʼ gi mach.”

Nehemia 2:3 Iomraidhean Croise

1 Ruodhi 1:31

Bathsheba nogoyo chonge piny, mokulore nyaka e lowo, komiyo ruoth duong’, mi nowacho niya, “Ruodha, mondo idag nyaka chieng’.”

2 Ruodhi 25:8

Chieng’ due abiriyo due mar abich, e higa mar apar gochiko mar loch Nebukadnezar, jatend joma ne rito ruodh Babulon, nobiro Jerusalem,

2 Weche mag Ndalo 21:20

Ne en jahigni piero adek gariyo kane odoko ruoth, kendo norito piny kuom higni aboro kodak Jerusalem. Notho ma onge ng’ama oywage. Ne giyike e dala Daudi, to ok e liete ruodhi.

2 Weche mag Ndalo 28:27

Ahaz notho, moluwo kwerene, mi noyike Jerusalem, to ok e liete ruodhi Israel. Hezekia wuode nodoko ruoth kare.

2 Weche mag Ndalo 32:33

Hezekia notho moluwo kwerene mi ne giyike gi yo ka malo mar liete joka Daudi. Jo-Juda gi jo-Jerusalem duto ne joyike gi luor maduong’. Manase wuode nodoko ruoth kare.

2 Weche mag Ndalo 36:19

Ne giwang’o Od Nyasaye, mi gimuko ohinga mar Jerusalem. Ne giwang’o ut ruoth duto, kendo ne giketho gik moko duto ma nengogi tek man Jerusalem.

Nehemia 1:3

Ne gidwoka niya, “Joma nodong’ e pinyno, koa e tuech koro oneno thagruok gi wich kuot maduong’. Ohinga mar Jerusalem osemuki, kendo dhorangeyene duto osewang’ gi mach.”

Nehemia 2:13

Nawuok gotieno ka aluwo rangach miluongo ni Ranga Holo, mi achiko Soko mar Thuol, kod Ranga Owuoyo, ka anono kuonde mane ohinga mar Jerusalem omukorego, kaachiel gi dhorangeyene mane owang’ gi mach.

Zaburi 102:14

Jotichni ohero Sayun, kata obedo ni okethe kamano! Adier, kata obedo ni odong’ mana gunda, to pod gikeche akecha.

Zaburi 102:15

Ogendini duto nomi nying Ruoth Nyasaye duong’, kendo ruodhi mag piny noluor tekone.

Zaburi 137:6

Ee, ka ok apari, kendo ka ok aparo ni in e morna maduong’, to lewa mondo omok e danda!

Zaburi 38:7

Denda duto wang’a ka mach, kendo onge kamoro e denda ma ok rama.

Jeremia 52:12

Chieng’ due apar due mar abich e higa mar apar gochiko mar loch Nebukadnezar, Nebuzaradan, ma jang’ad ni ruoth rieko, kendo ma jatend joge mag lweny, nodonjo Jerusalem.

Ywagruok 2:9

Dhorangeyene bende osepodho piny, kendo Ruoth Nyasaye oseturo lodi mage matindotindo. Ruodh Sayun kod jodonge oke e kind ogendini mamoko, kendo chik Nyasaye koro ok ti. Jonabi mage bende koro ok yud fweny moa kuom Ruoth Nyasaye.

Daniel 2:4

Ne gidwoke gi dho Aram niya, “Ruoth, onego idag aming’a! Nyiswa lekni mondo wahulni tiende.”

Daniel 3:9

Ne giwacho ni ruoth Nebukadnezar niya, “Ruoth, mondo idag aming’a!

Daniel 5:10

Chi ruoth nowinjo koko mane ruoth gi jodonge goyo, mi odonjo e ot mitimoe sawo. Nowacho niya, “Ruoth, mondo idag aming’a. Kiyie to chunyi owe chandore, bende dendi owe juol kamano.

Daniel 6:21

Daniel ne odwoke niya, “Ruoth, mondo idag aming’a!

Daniel 6:6

Omiyo ne gidhi ir ruoth, mi giwachone niya, “Ruoth Darius, mondo idag aming’a.

Tim jo-Lawi 26:31

Analok miechu gundni, mi anaketh kuondeu mag lemo, kendo ok anayie ng’weyo tik misengni mau madum mamit.