Nehemia 2:20 - MUMA MALER 2015

²⁰ To nadwokogi niya, “Nyasach polo biro gwedhowa, kendo wan jotichne koro wachako gedo. To un uonge migawo kata teko kata mana rapar moro e Jerusalem.”

Motingʼo Loko Manyien

²⁰ Ne adwokogi niya, “Nyasach polo biro miyowa loch. Wan jotichne wabiro gedo kendo, makmana un, to uonge gi pok e Jerusalem kata dwaro moro amora kata rapar moro amora kuome.”

Nehemia 2:20 Iomraidhean Croise

2 Weche mag Ndalo 26:5

Noketo chunye kuom luwo Nyasaye e ndalo Zekaria, jal mane opuonje luoro Nyasaye, kendo ndalo duto mane oluwoe Ruoth Nyasaye, noyudo gueth.

Ezra 4:3

To Zerubabel gi Jeshua kod jodong dhout Israel mamoko nodwokogi niya, “Uonge tich gi ot mwagero ni Nyasachwani. Wabiro gere ni Ruoth Nyasaye ma Nyasach Israel wan kendwa, kaka Kuros, ruodh Persia, nochikowa.”

Nehemia 1:4

Kane awinjo wachno, nabet piny maywak kuom ndalo mogwarore, ka atueyo chiemo, kendo alemo e nyim Nyasach polo.

Nehemia 2:4

Ruoth nopenja ni, “Koro idwa ni atimni ang’o?” Nalamo Nyasach polo,

Zaburi 102:17

Enowinj ywak joge mosejwang’, kendo enochik ite ni lemogi.

Zaburi 122:6

Lemuru mondo Jerusalem obed gi kue, kuwacho niya, “Joma oheri, A Jerusalem, mondo odhi nyime maber.

Zaburi 20:5

Eka wanago koko gi mor nikech iseloyo lweny, kendo wanabed moil kwapako Nyasaye. Onego Ruoth Nyasaye winj kwayoni duto!

Zaburi 35:27

To joma mor ni aloyo bura, onego kog gi ilo ka giwacho ding’eny niya, “Ruoth Nyasaye duong’ miwuoro, kendo omor ka jatichne dhi nyime maber.”

Zaburi 51:18

Bed mang’won ni dala mar Sayun, A Nyasaye, kendo konye. Ee, chak iger ohinga mar Jerusalem.

Wuok 28:29

Kamano ka Harun donjo Kama Ler, nobed koting’o nying yawuot Israel e law agoko mar ng’ado bura e kore ka rapar e nyim Ruoth Nyasaye kinde duto.

Eklesiastes 7:18

To bed mana e diere. Ka itimo kamano, kendo iluoro Nyasaye, to inidhi nyime maber.

Isaya 56:5

noyud gima ber moloyo yudo nyithindo. Giniyud rapar e oda kendo e ohingana. Adier, abiro miyogi nying’ mosiko, ma ok rum nyaka chieng’.

Tim jo-Lawi 2:2

Eka nokele ni jodolo ma joka Harun, kendo jadolo achiel nojuk mogo sanja moruw gi mo, mi nowang’ kaachiel gi ubani duto ka rapar e kendo-mar-misango. Mano en misango miwang’o mondo tikne odum mang’ue ng’ar ni Ruoth Nyasaye.

Tim jo-Lawi 24:7

Unuket ubani maler e laini ka laini, mondo obed rapar mar makati michiwo ni Ruoth Nyasaye ka misango miwang’o.

Zekaria 6:14

To Heldai gi Tobia gi Jedaya kod Josia wuod Zefania ema nobed karito osimbo kaka rapar e Hekalu mar Ruoth Nyasaye.”

Kwan 10:10

E kinde ma utimoe nyasi, gi ndalo moketi mutimoe sewni, kod chieng’ mokwongo mar due ka due, unugo tung’ kutimo misengni miwang’o pep, kod misengni mag sawo, mi tungego nomi Ruoth Nyasaye ma Nyasachu paru. An e Ruoth Nyasaye ma Nyasachu.”

Tich Joote 10:31

moluonga ni, ‘Kornelio! Nyasaye osewinjo lemoni, kendo oseneno timbeni mag ng’wono.

Tich Joote 10:4

Ne orango malaika mi openje koluor ni, “En ang’o, Ruoth?” Malaika nodwoke ni, “Lemoni gi timbeni mag ng’wono osechopo malo e nyim Nyasaye, kendo Nyasaye osepari.

Tich Joote 8:21

Ionge gi giri moro, kata migawo moro e tijwani, nikech chunyi ok long’o e nyim Nyasaye.