Nehemia 2:18 - MUMA MALER 2015

¹⁸ Bende nanyisogi kaka Nyasaye nosebet koda, kendo gima ne ruoth owachona mi ne gidwoka niya, “Wachakuru gedo!” Kamano ne gichako tich matek, modhi nyime maber.

Motingʼo Loko Manyien

¹⁸ Ne akonegi bende kuom Nyasacha ma jangʼwono mane ni koda kod gima ruoth nowachona. Ne gidwoka niya, “Wachakuru gedo kendo.” Omiyo negichako tich maberni.

Nehemia 2:18 Iomraidhean Croise

2 Samuel 2:7

Emomiyo koro beduru joma otegno, kendo ma jochir, nikech Saulo ruodhu osetho, kendo dhood Juda osewira abed ruodhgi.”

1 Weche mag Ndalo 11:10

Koro thuondi madongo moloyo, mane konyo Daudi gi tekregi duto mondo okete ruoth, kaluwore gi wach mane Ruoth Nyasaye owacho kuom jo-Israel e magi:

1 Weche mag Ndalo 19:13

Bed gi chir, waked matek ni jowa, kendo ni miech Nyasachwa. To Ruoth Nyasaye mondo otim gima oneno ni ber.”

2 Weche mag Ndalo 32:5

Hezekia noketo chunye moloso ohinga kuonde duto momukore, kendo nomedo geroe kuonde maboyo mag ng’icho. Nogero ohinga machielo molworo mokwongono, kendo noloso Milo mane nie dala Daudi mondo obed motegno. Bende noloso gilweny kod okumbni mogundho.

Ezra 6:22

Ne gitimo Sap Makati ma ok Ketie Thowi kuom ndalo abiriyo ka gimor, nimar Ruoth Nyasaye nosemiyo gibedo mamor, koloko chuny ruodh Asuria mondo ohergi kendo ojiwgi e tich gero Od Nyasaye, ma Nyasach Israel.

Nehemia 2:8

To bende miya barua moro mondo adhigo ir Asaf, jarit yiend bunge magi, mondo omiya yien adhi alosgo dhorangeye kama ochiel motegno momanyore gi od ruoth, kendo alosgo ohinga mar dala, kod ot ma abiro dakie.” Ruoth nomiya gik moko duto mane akwaye, nikech Nyasacha ne ni koda.

Jo-Efeso 6:10

To wach mogik en ni, beduru motegno kuom Ruoth, kendo kuom tekone maduong’.

Jo-Filipi 2:13

nikech Nyasaye owuon ema tiyo e chunyu, komiyou dwaro kendo timo gima long’one.

1 Samuel 23:16

Jonathan wuod Saulo nowuok, modhi ire kuno, mojiwe kotego chunye kuom Nyasaye.