Nehemia 2:17 - MUMA MALER 2015

¹⁷ To bang’e nawachonigi niya, “Uneno masira ma wantieni, ka Jerusalem odong’ gunda, kendo rangeyene owang’ gi mach. Koro biuru walos ohinga mar Jerusalem mondo wich kuot ma wan go orum.”

Motingʼo Loko Manyien

¹⁷ Bangʼe ne awachonegi niya, “Uneno thagruok ma wantiere godo: Jerusalem osemuki, to dhorangeyege osewangʼ gi mach. Biuru wager ohinga mar Jerusalem kendo, to ok wanachak wabed e wichkuot kendo.”

Nehemia 2:17 Iomraidhean Croise

Ezra 9:9

Adier, wan joma otue, to kata kamano in Nyasachwa, ok isejwang’owa chutho miweyowa e tuechwa, to isemiyo chuny ruodhi mag Persia obedo maber kodwa, mi gimiyowa thuolo mondo walos Hekalu mari kendo wager kuonde mokethore, kibedonwa kaka ohinga molworo Juda gi Jerusalem.

Nehemia 1:3

Ne gidwoka niya, “Joma nodong’ e pinyno, koa e tuech koro oneno thagruok gi wich kuot maduong’. Ohinga mar Jerusalem osemuki, kendo dhorangeyene duto osewang’ gi mach.”

Nehemia 2:13

Nawuok gotieno ka aluwo rangach miluongo ni Ranga Holo, mi achiko Soko mar Thuol, kod Ranga Owuoyo, ka anono kuonde mane ohinga mar Jerusalem omukorego, kaachiel gi dhorangeyene mane owang’ gi mach.

Nehemia 2:16

To jotelo ne ok ong’eyo kuma ne adhiye, kata gima natimo. Bende ne pok anyiso jo-Yahudi gi jodolo gi joka ruoth gi jotelo kod ji duto mane onego kony tich, gima adwaro timo.

Nehemia 3:15

Shalum Kol-hoze, jatend jo-Mizpa, nogero Ranga Soko, moketone tado, kendo orwako thikene gi radedi kod lodi mage. Bende nogero ohinga, chakre Yap Siloam, kama omanyore gi orundu mar ruoth, nyaka raidhi malor koa e Dala Daudi.

Zaburi 102:15

Ogendini duto nomi nying Ruoth Nyasaye duong’, kendo ruodhi mag piny noluor tekone.

Zaburi 44:13

Jopinje mamoko ma okiewo kodwa neno gima itimonwa.

Zaburi 44:14

Ne ilokowa ngero ma ogendini goyo, omiyo gigoyonwa siboi, ka gijarowa.

Zaburi 79:12

Ruoth, chul kuor ni ogendini mamokogo nyadibiriyo kuom achaya ma gichayigo.

Zaburi 79:4

Ogendini mokiewo kodwa goyonwa siboi, ka nyierowa kendo jarowa.

Jeremia 24:9

Abiro kelo kuomgi masira malich ma nomi ogendini duto bed maluor. Ji nobed ka ngerogi, kendo tugo kodgi. Bende ji nochargi, kendo noluong nyinggi ka gima okuong’ kuonde duto ma akeyogie.

Ywagruok 2:2

Ruoth Nyasaye oseketho mier duto mag joka Jakobo, ka ok okechogi. Nomuko kuonde mochiel motegno e piny Juda ka en gi mirima mager. Ne omukogi nyaka e lowo, mokuodo wi jotelo, kodwoko loch pinyno chien.

Ywagruok 3:51

Ka aneno gima otimore ni nyi dalawa duto, to chunya chandore malit.

Ezekiel 5:14

Anami ubed oganda mojwang’ kendo mokwedi, mi ogendini mokiewo kodu kod ji duto makadho nonyieru, ka goyonu siboi.

Mika 7:11

E ndalo gogo, un jo-Jerusalem unuchak uger ohingau, kendo unuyar tong’ pinyu,

1 Samuel 11:2

To Nahash ja-Amon nodwokogi niya, “Ok ayie timo kodu winjruok, mak mana ka agolo wengeu ma korachwich mondo akuodgo wi jo-Israel duto.”