Nehemia 2:13 - MUMA MALER 2015

¹³ Nawuok gotieno ka aluwo rangach miluongo ni Ranga Holo, mi achiko Soko mar Thuol, kod Ranga Owuoyo, ka anono kuonde mane ohinga mar Jerusalem omukorego, kaachiel gi dhorangeyene mane owang’ gi mach.

Motingʼo Loko Manyien

¹³ Kane ochopo otieno ne adhi kaluwo Dhoranga Holo kochiko Soko mar Thuol kod Dhoranga Owuoyo, ka anono ohingni mag Jerusalem, mane osegore piny, kod dhorangeyigi mane osewangʼ gi mach.

Nehemia 2:13 Iomraidhean Croise

2 Weche mag Ndalo 26:9

Nogero kuonde maboyo mag ng’icho e Jerusalem e dhorangach kama ohinga ogomogo, gi e dhoranga Hoho, kod e giko ohinga, moketoe gilweny.

Nehemia 1:3

Ne gidwoka niya, “Joma nodong’ e pinyno, koa e tuech koro oneno thagruok gi wich kuot maduong’. Ohinga mar Jerusalem osemuki, kendo dhorangeyene duto osewang’ gi mach.”

Nehemia 12:31

Bang’ mano, naidho ewi ohinga gi jodong Juda, mi achano jower e migepe ariyo madongo ogo erokamano. Migawo achiel noluwo wi ohinga bat korachwich, kochiko Ranga Owuoyo.

Nehemia 2:12

Bang’e nakawo jomoko manok, mawuokgo gotieno, to ne ok anyiso ng’ato gima Nyasacha noseketo e chunya mondo atim ni Jerusalem. Ne waonge gi kanyna, mak mana mano mane aidho.

Nehemia 2:15

Ne amedo luwo holo gotieno, ka anono ohinga, eka naduogo e dala gi Ranga Holo mane owuokgo.

Nehemia 2:17

To bang’e nawachonigi niya, “Uneno masira ma wantieni, ka Jerusalem odong’ gunda, kendo rangeyene owang’ gi mach. Koro biuru walos ohinga mar Jerusalem mondo wich kuot ma wan go orum.”

Nehemia 2:3

Nadwoko ruoth niya, “Ruoth mondo odag aming’a! Akuyo nikech dala moyikie kwerena odong’ nono, kendo dhorangeyene osewang’ gi mach.”

Jeremia 5:10

Abiro chiko wasikgi mondo ochadh yiend mzabibu maggi, to ok ginikethgi chuth nimar abiro nyisogi mondo gilwer mana bedegi oko nikech ok gin maga.