Nehemia 13:9 - MUMA MALER 2015

⁹ Bang’ mano nagolo chik mondo opwodh odno, kendo odwokie gik lemo mag Od Nyasaye gi chiwo mag cham kod mar ubani.

Motingʼo Loko Manyien

⁹ Ne achiwo chik motegno mondo opwodh odno, bangʼe to ne adwoko gik milemogo mag od Nyasaye gi chiwo mar cham kod ubani.

Nehemia 13:9 Iomraidhean Croise

2 Weche mag Ndalo 29:5

mi nowachonigi niya, “Winjuru un jo-Lawi! Pwodhreuru, kendo upwodh Od Ruoth Nyasaye ma Nyasach kwereu, kugolo chilo man Kama Ler.

Nehemia 10:37

Kendo wayie kelo ni jodolo kuon ohia gi olemo mopogore opogore mokwongo nyak, kaachiel gi divai manyien kod mo, mondo okan e ut keno mag Od Nyasachwa. Wayie bende kelo ni jo-Lawi achiel kuom apar mag chambwa, nimar jo-Lawi ema choko achiel kuom apar mag cham maa e miechwa duto.

Nehemia 12:45

Jodolo gi jo-Lawi notiyo tich Nyasachgi, kaachiel gi tich pwodhruok, kaluwore gi chike mag Daudi kod mag Solomon wuode. Jower gi jorit dhorangeye bende notimo kamano.

Ezekiel 40:38

E laru maoko ne nitie ot moro momakore gi rangach maiye, odno ne nigi dhoot madonjo e ot maduong’ mane omanyore gi laru. Kanyo ema ne ilwokoe jamni monegi, midwaro timogo misenghni miwang’o pep.